أنا عندي 22 سنة، ومشكلتي إني حبيت إنسان من كل قلبي؛ بس ما حصلش نصيب بينا واتخطبت لإنسان محترم جدا وبيحبني بجد يمكن زي ما أنا بحب الإنسان التاني ده وأكتر؛ بس أنا حزينة أوي من جواي، مش قادرة أسعده من قلبي، لازم أكدب علشان أسعده وأقول له بحبك لمجرد إني أرضيه وأوقات كتير باحس كلامه زي كلام حبيبي، وهو ما يستحقش مني كده؛ بس والله غصب عني. بجد مش قادرة أنسى الإنسان اللي حبيته لأني عشت معاه أجمل أيام عمري، وعمري ما هاقدر أنساه مهما فرّقنا الزمن؛ بس نفسي أقدر أحب خطيبي، ولو حتى نص ما بيحبني أعمل إيه؟ محتاجة رد على ألف سؤال جواي، يا ترى أنا بحبه فعلا؛ بس مش قادرة أقنع نفسي بكده؟ بس ما ينفعش أحبه، وبحب واحد تاني في نفس الوقت يا ترى اتعودت عليه؛ بس ولا بحبه بجد نفسي حد يساعدني. مي