«100 مليون مستنيين 100 مليون ينزلوا».. أبرز تعليقات المشاهير على «11-11»

أبدى عدد من المشاهير آرائهم حول الدعوات التي أطلقت على مواقع التواصل الاجتماعي للتظاهر بالميادين العامة احتجاجاً على غلاء السعار وقرار البنك المركزي الي أصدره، مؤخراً، بخصوص تعويم الجنيه تعويماً كاملاً، وتحديد سعر العملة وفقاً لآليات العرض والطلب، ويرصد " لايف- تريند" أبرز نجوم المجتمع الذي علّقوا على ذلك.
1-نشوى مصطفى
صرّحت الفنانة نشوى مصطفى، من خلال حسابها الشخصي عبر موقع التواصل الاجتماعي فيسبوك، عن تبرّعها لصالح صندوق "تحيا مصر" عقب تدشين عدد من الرواد على موقع "تويتر" لهاشتاج "مظاهرة حب لصندوق تحيا مصر".
وقالت: "النهارده بالذات .. لازم الحبايب كلهم يتبرعوا بزيادة لحبيبتنا مصر.. ١١/١١ حنخليه يوم مشهود.. التبرع النهارده بالذات مهم بزيادة علشان نثبت للى دمهم تقيل بزيادة انه كيدهم سيرد فى نحورهم بأذن الله وتحيا مصر".
2- إبراهيم سعيد
سخر لاعب فريقي الأهلي والزمالك المعتزل إبراهيم سعيد، عن طريق حسابه الخاص عبر موقع "تويتر"، من فراغ الميادين العامة في ظل الدعوات المستمرة لتظاهرات "11-11"، وقال: "في ١٠٠مليون مصري مشغليين التلفزيون وقاعدين ومتابعين علي السوشيال ميديا مستنين نفس ال ١٠٠ مليون ينزلوا والشوارع فاضيه".
3- هالة صدقي
علّقت الفنانة هالة صدقي على تظاهرات المواطنين الأمريكيين عقب فوز رجل الأعمال دونالد ترامب بالرئاسة الأمريكية، بالتزامن مع دعوات تظاهر "11-11"، وقالت: "للأسف بكره هيكون في قلق جامد لانه طبعا ١١/١١ والمولات هتتقفل وهتتسرق بس في أمريكا.. ونسيتوا إن ربنا كبير وأكبر منكم ومن أي حد وكل توقعاتكم بنجاح هيلاري عدوة البشرية اللي استباحت دم ولادنا ودم السوريين واليمنيين والتونسه طارت حتي لو كان ترمب ده ايه بس مش ممكن يدعم الدواعش ولا يمكن يكون حقير زي اوباما او هيلاري".
وأضافت: "الحمد لله ربنا يحفظ مصر ويحافظ علي كل البشر بكره هنخرج وهنتتفسح وأمريكا اغلب ولاياتهم هيقعدوا في البيت علشان القلق اللي هناك ربنا يحافظ علي المصريين اللي هناك والعرب وكل اللي في قلبه خير.. من أوباما لهيلاري يا قلبي لا تحزن".
وتابعت: " لما قلت النور رجع مش لون البشره.. ولكن لون القلب اللي أكيد هيكون ارحم من القلوب اللي عذبتنا وبهدلتنا وبهدلت ولادنا ولسه فيهم نفس يقتلوا ويفجروا.. يلا بقي ابدأو الشتيمة لان ده بيسعدني جدا لانه بيأكدلي حجم خسارتكم وخيبه املكم في انتصار ترامب علي رئيستكم المعلمة هيلاري.. مبروك للوطن العربي ورغم كل الضغط اللي عملتوه علينا والحصار الاقتصادي لكن ربنا كبير وفي القريب العاجل هتشوفوا مصر ستكم هتكون ام الدنيا بجد ازاي.. بولادها وشعبها اللي قاسي واستكمل كل الضغوط وتحيا مصر".
4- وائل غنيم
قال الناشط السياسي وائل غنيم على موقع "فيسبوك": "فيه كمية ترويج إعلامي غريب لموضوع 11 نوفمبر بشكل شخصي معرفش أي حد بيحشد للنزول لليوم ده غير الأذرع الإعلامية اللي بتتهمني أنا ومجموعة منها عمرو حمزاوي والبرادعي وباسم يوسف وغيرهم بإننا ورا الدعوة لليوم برغم إن ده مالوش أي أساس من الصحة. والوضيع أحمد موسى نشر تويتة مفبركة منسوبة للبرادعي إنه بيدعو "أحرار مصر" لحمل السلاح ضد الدولة!".
وأضاف: "التفسير الوحيد المنطقي بالنسبة لي إن بعض الأجهزة عايزة يوم 11 نوفمبر يظهر وكأنه يوم بيتحشد له لتنفيذ مؤامرة على مصر، ولما اليوم يعدي عادي وميحصلش حاجة يقولوا فشلت المؤامرة (وده حصل قبل كده) ويحتفلوا بده كأي نجاح وهمي بيحتفلوا بيه".
5- صلاح عبدالله
أعلن الفنان صلاح عبدالله بتبرعه لصالح صندوق "تحيا مصر"، تزامناً مع دعوات تظاهرات"11-11" بعد ظهور هاشتاج "
مظاهرة حب لصندوق تحيا مصر" في قائمة "التريندات" على تويتر، وكتب من خلال حسابه الشخصي: "11/11 لصندوق تحيا مصر.. عاجبنى الهاشتاج دا قوي وبالذات النهارده..على فكرة مش بعرف أعمل سكرين شوت فبصور الموبايل بالآيباد وباخد وقت".