بعد وقف «أرامكو» توريد البترول.. صلاح: «مصر دولة كبيرة مش شوية قبائل متجمعين بالفلوس»

انتقد الإعلامي خالد صلاح، امتناع شركة «أرامكو» السعودية، عن توريد الشحنات البترولية المتفق عليها مع مصر للشهر الثاني على التوالي.
وقال خلال برنامجه «على هوى مصر»، المذاع على قناة «النهار»: «بصوا مصر ما بتتقمصش إزاي.. الثقافة بتفرق برضوا، صحيح فقراء بس متعلمين وبنعبر عن أخلاق وحضارة ودولة»، واتخذ صلاح، من خبر نشرته وكالة «رويترز» الإخبارية، وصفه بأنه "كاذب"، عن سفر وزير البترول المصري إلى إيران لعقد اتفاقيات بترولية بديلة عن السعودية، مثالًا يعبر عن حكمة الإدارة المصرية.
وأوضح صلاح: «مصر أول منْ نفت الخبر عن طريق وزير البترول، ولاحقه رئيس الوزراء، المهندس شريف إسماعيل.. أما شركة أرامكو أو صانع القرار فيها لا يفهم هذا الكلام، وذلك مع كامل الاحترام والتقدير للقيادة السعودية».
واستكمل: «إحنا ممتنين لكم ومش هنشتمكم، بس لازم نعبر عن آرائنا بطريقتنا، الحقيقة أنتم مش فاهمين وإحنا فاهمين أكتر منكم، فما يجري في الإعلام السعودي والإدارة السعودية يعبر عن عدم فهم».
وتابع: «هنحل الأزمة بقوتنا وتماسكنا.. مصر لم تتعامل بنفس المعيلة أو القمص اللي تعاملت به شركة أرامكو.. ده عشان مرفعناش إيدنا أو مرضناش نرفعها، إحنا بنتحاسب عليها لحد دلوقتي (في إشارة إلى رفض مصر المقترح الأمريكي الذي تؤيده السعودية بخصوص الأزمة السورية).. إحنا دولة.. هو إحنا زي ولاد امبارح زي الجماعة هناك ولا هنا، إحنا دولة أصيلة وتحترم اتفاقياتها الدولية، وما بتهزرش».
واختتم صلاح: «مصر دولة كبيرة وشعبها كبير، مش شوية قبائل متجمعين بالفلوس.. شعب فقير ومتجمع مش قبائل غنية وبتترشي، مقصدش حد يعني أنا بقول مثلًا»