صور| منتجات مصرية في متجر بكندا تنفي فساد الشحنات الأخرى

تداول أحد المهاجرين المصريين في "كندا" من خلال حسابه الشخصي عبر موقع التواصل الاجتماعي "فيسبوك"، اليوم الأربعاء، صورًا لوجود منتجات مصرية داخل أحد المتاجر بها، عقب تداول الأخبار حول شحنات مصرية فاسدة أخرى تُصدّر إلى بعض الدول.
وعلّق على ذلك قائلاً: "أي حد سافر كندا قبل كده عارف كويس قوي هما متشددين قد إيه في دخول أي أكل، بقالي فترة عمال أقرا فتاوي عن الخضار والفاكهة والعصاير المصرية اللي اتمنعت في أمريكا. الصور دي أنا اللي مصورها النهارده الاثنين 19 سبتمبر 2016 في محلين في أوتاوا وزي ما إنتوا شايفين: قلقاس، ملوخية، بامية، خرشوف، فلافل، مرقة ماجي، جبنة بيضا واستمبولي ومش من غير دود!".
وأضاف: "لو أمريكا متشددة قيراط فى موضوع الأكل فكندا متشددة 12 قيراط. لو فيه شحنة اترفضت ده عادي. لو فيه شك فى المنتجات المصرية كان كل ده تم إعدامه. أنا اشتغلت في ال6 سنين اللي فاتوا مع ناس من كل الجنسيات ما شفتش حد بيفرح في بلده وينشر أي إشاعة زفت عنها من غير ما يتأكد. ليه عندنا كم الكره ده لبلدنا، سواء إنت هاجرت أو قاعد جوة البلد ليه الحقد ده كله. أنا شفت ناس بتشتم في البلد عشان الايفون 7 حينزل ب13.000".
تابع قائلاً: "كون أقباط المهجر يستقبلوا السيسي كويس في أمريكا ده مش معناه إن الناس دي بتطبله: هما محتاجين منه إيه؟ ده برضه مش معناه إن الناس دي نسيت اضطهاد الناس اللي فى المنيا، ما تنساش.. إن كرامة الراجل ده من كرامتنا وإن الميديا اللي ضيعت ليبيا وسوريا والعراق نفسها تفرح فينا، ده إحنا أيام مرسي كنا بنتكسف نقول إن إحنا مصريين".