سيطر وتمكن وبات قائمًا في بيوت مصر يتابع ويراقب يجذب انتباهك اللقطة تلو الأخرى يأخذ ذهنك لعالمه الخاص من الإبداع والأدب الإنجليزي والأساطير تعيش تفاصيله وتسيطر عليك أدق مشاهده.. "ونوس.. شيطان كل بيت". سيطر مسلسل ونّوس على عقول مشاهديه ليس فقط بالوقوف عند حد متابعه إحدى الحلقات أو كلها؛ بل في البحث فيما وراء المشهد وفيما وراء اللقطة، والنفس، والضحكة، والخطوة، فخرج أحد مشاهدي الحلقات والباحث في الأدب الإنجليزي يدعى كيفن، بتوضيح الأساطير والنقوش التي تبدأ معها قصة المسلسل خلال التتر. فيما قام آخر يدعى محمد مصطفى والعديد من المشاهدين، بتحليل المشاهد ومواقع التصور وربطها بنظيرتها في المعتقدات وملامح الشيطان التي حملها لنا القرءان الكريم، مع الخلفية المرجعية الكامنة لدى المشاهد حول هيئة الشيطان وشكله. وبذلك يكون الثلاثي عبدالرحيم كمال، المؤلف، ويحيى الفخراني، بطل العمل، وابنه شادي الفخراني، مخرج العمل، حققوا نجاحًا جديدًا في تعاونهم الثلاثي المستمر للعام الرابع على التوالي في تحقيق شغف درامي جديد. يبدأ تحليل الجمهور القائم على البحث مرحلة من الشغف نجح فيها المسلسل في أن يحول الجمهور ليس لمستقبل سلبي فقط؛ بل متلقي وباحث وراء الحقيقة والتفاصيل.. ويمكننا فيما يلي الاقتراب أكثر من المسلسل وأبرز اللقطات التي وقف عندها الجمهور بشكل واضح، ونسردها لكم على ألسنتهم في السطور التالية: سبب التسمية ب"ونوس" يعود لكوكب فينوس (الزهرة) وبيقول عليه زهرة الصباح علشان بيظهر في شقشقه الفجر والاسم ده مخصص لملك الجحيم في الحضارات القديمة، باعتباره أنه كان ملاكًا وسقط من رحمه الله. الإنترو
في الحلقه الأولى "الأطفال متابعة فيلم على التلفزيون سفير جهنم ليوسف ودي تفصيلة ذكية جدًا وبعدها على طول البنت الصغيرة بتسمع خبط ع الباب وبتقوم تفتح الباب ومش بتلاقي حد بس بتحس ببرد غريب في الثانية اللي فتحت فيها الباب.. هالة صدقي بتفتح الباب وبتبص من بير السلم فمتلاقيش حد ولما بتلف بتلاقي ونوس دخل بالفعل البيت خلاص مع إنها خارجه من نفس الباب.. بعد ما سند على الكرسي قال جمله (الواحد كل ما بيكبر زي ما بيكون بيستلف جسمه من حد) في إشارة واضحة إن ده مجرد وعاء لواحد ميت بيكلم الناس منه مش أكتر.. وبعدين هيقول لياقوت في الحلقه الثانية (هوا فيه ميت بيتكلم ؟ هي حصلت مره واحدة لما ونوس مات ورجعلك تاني فاكر يا ياقوت والا ناسي والا متناسي ) يعني هوا استولي علي جثه ونوس صاحب ياقوت القديم الميت .. وبعدين في الحلقة السابعة ياقوت هيشرح إن ونوس عمل كده علشان مينفعش يشوف وشه الحقيقي و إلّا هيتخض !". الحلقة الأولى لما بيفكر ياقوت في الحلقة الثانية بيقوله (أنا ونوس - القصر - شجره التفاح) في إشارة لتفاحة آدم اللي كانت جوه الجنة (ويتشعبط على الشجرة ويتقفش وياخد العلقة التمام) في إشارة لطرده من الجنة. الحلقة التانية ونوس بيشتكي من وجع رجله بطريقة مبالغ فيها في أكتر من حلقة وده يرجع لإسقاط يرمز إلى أن أقدام الشيطان في التجسيد القديم ليه "رجلين ماعز" وهما المفروض مش مفرودين زي البشر العاديين وفيهم إنحناء للأمام. الحلقة الثالثة في الحلقة الثالثة ونّوس بيغضب من غريب لمّا بيسأله على ياقوت فيكهرب العريبة ويرد (ياقوت أو إبراهيم تعرفه إنت من امتى.. أيا كان اسمه أنا أعرفه من يوم ما اتخلق) بكراهيه فظيعة. الحلقة الرابعة ونّوس بيقول في الحلقة الرابعة لما الراقصة حياة بتقوله (ابقي تعالي يا ونوس ولو ذوقك في البنات أنا برضه موجودة) فرد عليها (حلو أوي بس أنا مش فاضي للشغلانة دي دلوقتي) في إشارة إن المسلسل كله هيتركز على صفة واحدة في الشيطان "الواسوس". الحلقة الخامسة ونّوس بيقول إنه لا بياكل ولا بيشرب مع إنه في الفرح شرب بيره وشيشه.. وده إسقاط إنه مش بياكل الحاجة من أصل حلال الحلقة السادسة ونّوس بيقولهم إنه عنده ملاهي باعتبار إن الشيطان بيلهي الإنسان عن ربنا في ملذات الحياة، لأنه بيقوله (هلعبك كل الألعاب بتذكرة واحدة) يعني حياة واحدة اللي الإنسان بيعيشها الحلقة السابعة ونّوس لمّا اتسأل تصدق بمين يا عم ونوس.. سكت ومردش والحوار اكتمل الحلقة الثامنة ونّوس قال ربنا مرة واحدة ولما قالها الكلمة دي قالها بعنااااء كبيييير جدًا وجسمه ارتعش فيها بقوة الحلقة التاسعة ربنا بعت إشارتين للعائلة أولهما لمّا عزيز رجله انكسرت لما حب يمشي وراء ونوس.. والثانية لما انشراح نادت على دنيا قبل ما تبوس نبيل . الحلقة العاشرة ونّوس ضعيف في لحظات المقاومة، سواء كانت من انشراح وهي واقفة قصاده أو لمّا ياقوت مسك العصاية وجري وراه أو لمّا عزيز مسك فيه كان خايف منهم.. وده إسقاط إن لحظة المواجهة الحقيقية بين الشيطان والإنسان.. الشيطان بيكون أضعف منه وبيتعمد يلجأ لأساليب الحيل والمكر. الحلقة الحادية عشر الحلقة الثانية عشر وجود ونّوس في الحمام في الحلقة 13 لمّا حب يوسوسله بالكلام المعسول اللغو وخصوصًا إنه برنامج ديني.. وبعد ما خلص الوسوسة فِضل في الحمام مخرجش منه الحلقة الثالثة عشر قصب دوره هيكون ANTI-WOONS لأن ونّوس بيخاف منه وبيخاف يدخل الحسين لدرجة إنه بعت مرسال عشان ميروحش.. ودي إشارة إن قصب هوا صوت الحق وإن ربنا باعته لحماية ياقوت في معركته. الحلقة الرابعة عشر
