بالفيديو| الشوباشي للغرب: عندنا قيادة غير قابلة للكسر

أعربت الكاتبة الصحفية فريدة الشوباشي عن حزنها على ضحايا الطائرة المصرية المنكوبة التي سقطت في البحر المتوسط، فجر يوم الخميس الماضي، وعلى متنها 66 شخصًا، وهي في طريقها من مطار شارل ديجول بالعاصمة الفرنسية باريس إلى مطار القاهرة.
وقالت الشوباشي، خلال لقائها ببرنامج "صباح أون" الذي تقدِّمه الإعلامية نهاوند سري على فضائية "ONTV"، الأربعاء: "الغرب عاوز يكسرنا لكن إحنا مش هننكسر.. إحنا صمننا منتكسرش لإن عندنا قيادة غير قابلة للكسر، ولن تعلو إرداة على الإرادة المصرية".
وأضافت: "ليه محدش اتكلم عن مطار باريس رغم إنه من أكبر مطارات العالم.. الأمان والتكنولوجيا فيه معندناش زيها ومحدش يقدر يلومنا، فيه سبق إصرار للإساءة لمصر".
وتابعت: "أنا قولت بعد 30 يونيو الثورة المصرية مزَّقت مشروع الشرق الأوسط الكبير، اللي هو كان تفتيت المنطقة، واللي بيقول مكنش في مؤامرة ولا تخطيط يركن على جنب شوية، الشعب المصري عنده شفرة محدش عرف يقرأها وقام بثورة 30 يونيو ومزق المخطط، الغرب دلوقتي بيستخدم كل الأسلحة ضدنا".