سما المصري: «بحب الأهلي ومش هقلع ملط في التحرير لو الزمالك أخد الدوري»

نفت الفنانة والراقصة سما المصري، ما تداول على صفحات التواصل الاجتماعي «فيسبوك»، و«تويتر»، حول قيامها بنزول ميدان التحرير «ملط» إذا استطاع نادي الزمالك الفوز بالدوري العام هذا الموسم، مؤكدة أن هناك صفححات منسوبة إليها مزورة وليست مسئولة عنها.
وقالت سما المصري عبر حسابها الشخصي على موقع التواصل الاجتماعي «إنستجرام»: «الصفحة المزورة اللي على الفيس باسمي وعماله تكتب تصريحات غريبة على لساني وبتشتم في الناس بلساني وانا مش مسئولة عنها ولا عن أي صفحة تانية على الفيسبوك ولا على تويتر عندي بس إنستجرام اللي هو دا، واللي بيحبني يعمل ريبورتات للصفحه دي عشان تتقفل عشان بصراحه افوره أوي او أدخلوا اكتبوا لها أني فضحتها وهي مش تبعي وانا بعد كدا ليا تصرف تاني، وانا عارفه مين اللي عملوها وعاملها».
وأضافت: «في ناس بتسالني في التعليقات عن اني قلت هقلع ملط في التحرير لو الزمالك خد الدوري السنة دي، واحب اقولهم لعاشر مرة انا مليش أي صفحات على الفيس ولا تويتر والأهلي أو الزمالك ياخد الدوري انا مليش فيه ومش معنى اني رسمت نسر الأهلي على كتفي يبقي انا متعصبه كرويًا".
وتابعت: «اه باحب الأهلي اه وأهلاوية اه لكن مش لدرجه انه لو ماخدش الدوري هنزل ملط، طب ماهو ماخدهاش المرة اللي فاتت ماعملتش كدا ليه".
وهددت أدمن الصفحة: "أحب أقول اللي عامل الصفحه دي انا وراك والزمن طويل لانه قبل كدا اتعملت صفحة برضه شتمت في الأهلي، واحب اسال اللي بيعمل الصفحات دي.. أهلي ولا زمالك يابقرة ماترسى على حل.. نفتح الباب ولا نقفله".
ووجهت رسالة لجماهير الأهلي والزمالك: "أصحابي الفانز الزملكاوية والاهلاوية أنا بحبكم وباحب أكتر منتخب مصر ومش عايزيين ننسي حسن شحاته اللي ياما جاب لنا بطولات».
ووجهت اتهام للصحفي ناشر الخبر قائله: «الصحفي اللي نشر الخبر دا كان أولى بيه أنه يتصل يسالني مش يولعها حريقه عشان قبل كدا مارضتش أعمل معاه حوار صحفي.. بتوع الاشاعات ومدعين عمل صفحات مشبوهه اتهدوا باه هو مفيش في مصر غير سما المصري.. حراقه اوي كدا وفاكرين ان دا يهزني؟، انا أمراة غير قابله للكسر اتبطوا باه ياصفحات الغم والنكد ولاصحابي الزملكاوية مش هازعل لما تاخدوا الدوري ورجائي ماتزعلوش لو الأهلي أخد الدوري كلنا مصريين....بحبكوا...مواه».