شنت الراقصة سما المصري هجومًا حادًا على إحدى الصفحات المزيفة، بسبب ما نشرته باسمها، بأنها ستنزل لميدان التحرير عارية في حالة فوز نادي الزمالك ببطولة الدوري العام لكرة القدم، الموسم الجاري. وقالت سما المصري في منشور عبر حسابها الرسمي بموقع "إنستجرام"، "فى ناس بتسألنى فى التعليقات عن أنى قلت هقلع ملط فى التحرير لو الزمالك خد الدورى السنة دى، وأحب أقولهم لعاشر مرة أنا مليش أى صفحات على الفيس ولا تويتر والأهلى أو الزمالك ياخد الدورى أنا مليش فيه ومش معنى أنى رسمت نسر الأهلى على كتفى يبقى انا متعصبة كرويا.. أى بأحب الأهلى آه وأهلاوية آه لكن مش لدرجة أنه لو ماخدش الدورى هنزل ملط طب ما هو ماخدهاش المرة اللى فاتت ماعملتش كدا ليه". وأضافت سما "وأحب أقول للى عامل الصفحة دى أنا وراك والزمن طويل، لأنه قبل كدا اتعملت صفحة برضو شتمت فى الأهلى، وأحب اسال الحمار اللى بيعمل الصفحات دى.. أهلى ولا زمالك يابقرة ما ترسى على حل.. نفتح الباب ولا نقفله.. أصحابى الفانز الزملكاوية والأهلاوية أنا بحبكم وبأحب أكتر منتخب مصر ومش عايزين ننسى حسن شحاتة إللى ياما جاب لنا بطولات". وأتمت "والصحفى اللى نشر الخبر دا كان أولى بيه أنه يتصل يسألنى مش يولعها حريقة عشان قبل كدا مارضتش اعمل معاه حوار صحفى.. بتوع الإشاعات ومدعين عمل صفحات مشبوهة اتهدوا باه هو مفيش فى مصر غير سما المصرى.. حراقة أوى كدا وفاكرين أن دا يهزني؟؟؟، انا امرأة غير قابلة للكسر اتبطوا باه يا صفحات الغم والنكد ولأصحابى الزملكاوية مش هأزعل لما تاخدوا الدورى ورجائى ماتزعلوش لو الأهلى أخد الدورى كلنا مصريين".
