القرموطي ل«السيسي»: «في ناس بتتنطط على القانون يا فندم»

خاطب الإعلامي جابر القرموطي، اليوم الخميس، الرئيس عبد الفتاح السيسي، قائلًا: «أقسم بالله يا فندم ما في مسئول بيتحرك، الأزمة عندنا مش في إصدار قرارات، الأزمة في تنفيذ القرارات».
أضاف القرموطي، خلال تقديمه برنامج «مانشيت»، عبر فضائية «أون تي في»، «جبت أكاديميين مانفعش، جبت لوءات مانفعش، وسابقين مانفعش، وتكنوقراط مانفعش، ورؤساء جامعات مانفعش، والدليل إن ده حال المحافظات، كلام الوزراء كله بكشّ، نفس الكلام ده سمعناه من 20 سنة، كلنا جزء من الأزمة يا ريس، عندنا إرث فظيع من الفساد والمحسوبية، ربنا يعينك يا ريس».
تابع: «مش عايز حضرتك تزعل ولا تقول إني بسود الدنيا، ده واقع أنا لامسه، مفيش حد بيعمل حاجة، والله كلهم بتوع كلام زهقنّا منه، كله بيتحط في الجيب يا فندم، وحضرتك عارف والله الكلام ده، بس أنا عارف إنك بتقول واحدة، حضرتك قولت إن مفيش حد فوق القانون، وده على عيني وراسي، لكن في ناس يا فندم بتتنطط على القانون من فوق، وبنقول للمسئولين أن في ناس فوق القانون، ولا حد بيعمل حاجة».
وافتتح الرئيس عبد الفتاح السيسي، 32 مشروعًا جديدًا نفذتها الهيئة الهندسية للقوات المسلحة ووزارتي الإسكان والمرافق والمجتمعات العمرانية والنقل، في إطار خطط الدولة لدعم مقومات التنمية الشاملة وتخفف العبء عن كاهل المواطنين في العديد من محافظات الجمهورية، وذلك خلال تواجده بمدينة بدر، اليوم الخميس.