فيديو| والدة خالد سعيد ل«أم ريجيني»: «حاسة بآلامك وربنا يقدّرك عليهم»

نشرت الناشطة السياسية الدكتورة سالي توما، اليوم السبت، عبر حسابها الشخصي بموقع التواصل الاجتماعي «فيسبوك»، مقطع فيديو، يتضمن رسالة من والدة الشهيد خالد سعيد، لوالدة الشاب الإيطالي جوليو ريجيني، الذي اختفى في ظروف غامضة، يوم 25 يناير الماضي، أثناء تواجده بمنطقة وسط البلد، وعُثر على جثمانه بعد أيام، على طريق مصر الإسكندرية الصحراوي، وعليها آثار تعذيب.
وقالت والدة «خالد» خلال الفيديو، «أنا بعزي أم الشهيد ريجيني، وبقولها حاسة بيكي وبآلامك، زيّ ما أنا لغاية النهاردة بتعذب علشان خالد، وأنا بشكرك جدًا علشانك بتهتمي بقضايا التعذيب في مصر، كملي مشوار ابنك، وربنا يقدّرك عليهم يا رب، والله ما عارفة أقولك إيه لأن اللي أنا حاسة به صعب أوصفه، مش قادرة أقولك حاسة بإيه، ربنا يصبرك ويصبرنّا ويصبر كل أم شهيد».
وعقّبت «سالي» على الرسالة، قائلةً: «رسالة والدة الشهيد خالد سعيد لوالدة الشهيد جوليو ريجيني، وصلتلها بالإيميل، والدة خالد الله يرحمه وقت القديسين من 5 سنين جت معانا نزور المصابين وده قبل الثورة، لما دخلنا على واحد اسمه مينا باس إيديها وقالها إنه بينزل كل مظاهرات خالد سعيد، باست إيده هي بعدها وقالتله كلكو خالد وأنا مامتك وأنت ابني».
أضافت: «أم الشهيد ليها قدسية من نوع خاص وقادرة تصنع أمجاد من حطام قلبها المدبوح.. أوقفوا الاختفاء القسري‬.. جوليو مننا ومات زينّا‬».