القصة الكاملة لأزمة شروق عبد العزيز مع الداخلية.. «من السب إلى المحاكمة»

طالبت صفحة "الشرطة المصرية"، التي يديرها بعض ضباط الشرطة، بمحاكمة شروق عبد العزيز، إحدى مستخدمي موقع التواصل الاجتماعي "فيسبوك"، وذلك لسبها جهاز الشرطة وبعض أفرادها.
وقالت الصفحة على صورة للفتاة المذكورة: "البنت دي ظهرت معرفش اسمها باين شروق عبد العزيز في ڤيديو شتمت الشرطة بأقذز الشتائم و في منتهي السفالة، هي كومبارس حلمها الشهرة، أحمد مالك و شادي وسبناهم للمجتمع ودي؟".
وأضاف: "إلى كل المسؤلين في الوزارة احنا اللي بيغلط مننا بيتحاسب وبقسوة وبالقانون، وبالقانون ننتظر ردكم علي من يغلط بنا وبشهدائنا، إياكم أن تضيعو حقنا القانوني، فلقد طفح الكيل".
وكانت "شروق" نشرت مقطع فيديو عبر صفحتها الشخصية على "فيسبوك"، وهاجمت فيه جهاز الداخلية على بعض التصرفات التي بدرت منه في الفترة الأخيرة.
وقالت في الفيديو المنشور: "النهاردة عيد ميلادي، بس أنا مينفعش أحتفل بيه وفي واحد دمه مهدور على إيد (...) من الشرطة، وبحب أقولهم كل سنة وانتوا (...)، وكل سنة وانتوا (...) ناس في مصر".
ورد أحد ضباط الشرطة على الفيديو الذي نشرته "شروق"، وهاجمها قائلًا: "دي مجرد بنت عاوزة تتشهر وبس، ونفسها تبقى ممثلة ومش عارفة، واللي قالته ده عيب ومايصحش".
وأضاف: "هي عايزة تتشهر على حسابنا، بس ده صعب عليها، ومش أي حد هيعرف يعمله، وعمومًا أنا بقولها كل سنة وهي طيبة علشان عيد ميلادها".
وبعد تعرضها لهجوم كبير من العديد من ضباط الشرطة، قامت "شروق" بحذف الفيديو من صفحتها الشخصية، وكتبت تعليقًا، للرد على هذا الهجوم عبر حسابها الشخصي.
وقالت: "نا بتكلم على فئة معينة من الشرطة مش كلهم، وهم اللي بيتجاوزوا في حق الشعب المصري، واللي قلته ده لسان حال كل الشعب المصري أكيد بخصوص المتجاوزين، الشرطة زيها زي أي مؤسسة في المجتمع، فيها الكويس وفيها الوحش، وللأسف الوحش فيها ظاهر أكتر من الحلو فبالتالي ده بيخلي أي مواطن مع أول احتكاك مع حد فاسد في الداخلية يطلع عن شعوره ويحس باللي أنا حسيته".

وأضافت: "بكرر كلامي إن كل اللي كنت أقصده في الفيديو هم اللي بيتجاوزا القانون واللي بيتجاوزوا في حق الشعب المصري
ومكنش قصدي أعمم على الكل لأن فيه ناس محترمة كتير في الشرطة وأنا أعرف ناس منهم شخصيًا وفعلًا محترمين".