ماذا قال الفنانون عن أحمد مالك بعد واقعة فيديو ''الواقي الذكري''

حالة من الهجوم الشديد قام بها عدد كبير من الفنانين على الفنان الشاب أحمد مالك، عقب ظهوره في فيديو يسئ فيه للشرطة المصرية، بتوزيع "واقي ذكري" على هيئة بلالين لرجال الشرطة في ذكرى 25يناير بميدان التحرير، وتنوعت ردود أفعالهم علي مواقع التواصل الإجتماعي.
الفنانة عبير صبري قالت : "ال....... اللي عمل فيديو الواقي الذكري ...اخص ! العسكري الغلبان اللي عملت معاه كده برقبتك وراجل اللي واقف في الشارع في خدمته عشان واحد زيك يعمل معاه شغل ....... ده !!الاخلاق مش بتنفصل عن الفن علي فكره.."
المخرج شادي علي : "فاكر نفسه كده هيبقي زعيم، و أمثاله هيشيلوه علي أكتافهم و يفتخروا بيه، أحقر ما أنجبت مصر لازم يتحكموا هو و كل من شارك في الحقارة دي".
الفنانة حنان مطاوع : "أرفض وبشدة اللي عمله في التحرير بجد عيب وتجاوز..واحترم إعتذاره..الإعتذار لغة لا يفهمها إلا القادرون والصفح من شيم الرحمن".
الفنانة وفاء عامر: "ما حدث مهزلة وقلة أدب ولابد من وقفه عن التمثيل، ولم أقوم بالتمثيل أمامه أبدا".
ورفضت عامر اقتراح البعض بإجباره على تأدية الخدمة العسكرية، معلله ذلك بأن الجيش لا يقبل إلا "الرجال".
ومن جانبها إستنكرت الفنانة سلمى صباحي، الفيديو المتداول الخاص"بالواقي الذكري" للفنان أحمد مالك والمُعد شادي حسين، والذي يسىء لافراد الشرطة المصرية، قائلة :" حركة مش محترمة في عساكر غلابة".
وقالت صباحي عبر حسابها الشخصي على موقع التواصل الاجتماعي "فيسبوك" اليوم الثلاثاء، " مهم جدا لو الانسان غلط يدرك غلطته ويعتذر عنها، الحقيقه انا باحب احمد مالك وشايفه انه فنان موهوب جدا وله مستقبل مهم لكن الحركه كانت فعلا مش محترمه واتوجهت لعساكر غلابه الحقيقه هما اغلب فئه في جهاز الشرطه ومغلوبين على امرهم عشان لقمة العيش والفساد اللي المفروض نقضي عليه عند ناس اكبر منهم بكتير".
وأضافت :" بس لما الانسان يغلط ويعتذر مايصحش نعلقله مشانق خصوصا لو سنه صغير.. ولاحظوا اني باقول غلطه مش جريمه لأن في فرق عظيم".