فيديو| ضابط شرطة عن قتيل الدرب الأحمر: «مش هنسكت على غلط أي حد فينا»

علّق أحد ضباط الشرطة، على واقعة المشاجرة التي نشبت بين رقيب شرطة، وشاب بمنطقة الدرب الأحمر، بشارع بورسعيد، والتي تطورت إلى إطلاق النار عليه من قبل الرقيب، ما أودى بحياته على الفور، بطلق ناري في الرأس، قائلًا: «اللي حصل امبارح في واقعة الدرب الأحمر ميرضيش أي بني آدم في البلد بغض النظر عن شغله أو انتمائه او اتجاهته، الداخلية لا يرضيها اللي حصل ولا أي بني آدم عاقل في البلد دي يرضيه اللي حصل امبارح».
أضاف الضابط، في فيديو متداول عبر موقع التواصل الاجتماعي «فيسبوك»، اليوم الجمعة: «واحد راح دون وجه حق ودون ذنب بسبب تصرف طايش من بني آدم تاني دوره إنه يحفظ الأمن ومش يضيعه، واللي غلط مينفعش يتسكت عليه، ولازم الغلطان يتحاسب، والوزارة مش هتسكت عشان تقدم الشخص للمحاكمة، وعمرنا ماهنسكت لواحد غلطان فينا».
تابع: «دية أرواح ناس وعمرنا ما هنفرط في أمن البلد أو نخلّي أي حدث يولّع البلد عشان حد يقولنا إننا بنادري على حد، وبقول لأفراد الشرطة انتم بتكونوا شكل الوزراة، فينا ناس كتيرة كويسة ولما واحد مننا بيعمل حاجة غلط بيضيع كل اللي بنعمله».