أسامة كمال: «السيسي بيشتغل 20 ساعة يوميًا»

كتب - عادل نصار
قال الإعلامي، أسامة كمال، اليوم الخميس، تعليقًا على خطاب الرئيس عبدالفتاح السيسي الأخير، "أنه لو الأمة المصرية مش عايزاه هيمشي، وأنه مش محتاج حد ينزل يوم 25 يناير ولا 26 ولا أي يوم.. ليه السيسى يفتح موضوع إحنا مش شايفين له أثر على الأرض، ولا شايفين تحركات ولا تهديدات، إلا لو كان الرئيس شايف حاجة إحنا مش شايفينها".
وتساء ل مقدم برنامج "القاهرة 360 "، المذاع على شاشة "القاهرة والناس"، "هل السيسي قلقان من مظاهرات فى 25 يناير؟ لأ.. هل الرئيس حاسس أن الناس مش عايزاه فعلا؟ أكيد لأ.. طب الرئيس قال الكلام ده ليه؟، ليه الرئيس في اجتماع دينى مهم يقول إ نه على استعداد أن ربنا ينزع منه الملك زي ما ربنا آتاه الملك ".
تابع: "كلام الرئيس بالنسبة لي لا يعكس عدم ثقة فى استقرار الوضع، لكن يعكس أنه اتفق معانا على حاجات وقت انتخابات وهذه الأشياء لم تنفذ"، مضيفًا: "عندما انتخبنا السيسى قال إنه بيصحى 5 الصبح وبيشتغل 20 ساعة قلنا له معاك.. صحى هو خمسة الصبح واشتغل 20 ساعة، في الوقت اللى ناس كتير بتقعد ع القهوة لخمسة الصبح، وبعدين تدخل تنام".