فيديو.. عيسى: البرلمان سيكون للصوت الواحد.. و«سنقف كلنا في الصف ونصفق»

قال الكاتب الصحفي إبراهيم عيسي، اليوم الثلاثاء، إن مجلس النواب المقبل سيكون «برلمان للصوت الواحد»، متابعًا: «فلما البلد تعيش بالصوت الواحد زي بالظبط ما تعيش في ظل الحزب الواحد، مطلوب مننا نكون صوت واحد، ونردد الكلام زي البغبغانات، ونقف كلنا في الصف ونصقف، لا سياسة ولا بتاع، ولا نمشي لقدام خطوة، نقول آمين وخلاص».
وأضاف عيسى، خلال برنامجه «مع إبراهيم عيسى»، عبر فضائية «القاهرة والناس»، «لازم نجيب رئيس للبرلمان يُعلي من قيمة الأصوات المتعددة، علشان يبقى في حيوية، مش موافقون وخلاص، علشان منرجعش تاني ل2010، ومنرجعش 30 سنة لورا، هل المطلوب يبقى في 5 أو 6 في البرلمان بس هم المعارضين؟، ويبقوا منبوذين من الدولة؟، لابد من تعميق قيمة أن يكون رئيس المجلس ممثلًا لأصوات مختلفة، وأن يُعين الرئيس 28 شخصًا من المختلفين معه سياسيًا، لعلنا نُحدث بعض التوازن».