بالفيديو.. «فتاة الحرية»: «ريهام سعيد سرقت صوري وهددتني بنشرها»

اتهمت سمية عبيد، المعروفة إعلاميًا ب«فتاة تحرش مول الحرية بمصر الجديدة»، اليوم الأربعاء، الإعلامية ريهام سعيد، مقدمة برنامج «صبايا الخير»، بسرقة 600 صورة شخصية من هاتفها الشخصي، وعرضتها في برنامجها، أمس الثلاثاء،
وقالت سمية، خلال مداخلة هاتفية مع الإعلامي سيد علي، ببرنامج «حضرة المواطن»، عبر فضائية «العاصمة»، «أنا مش بتاعت إعلام، أنا كل اللي عملته إني رفعت فيديو التحرش وقولت يا جماعة يا ريت اللي يعرف الإنسان ده يقولي عشان آخد حقي، وروحت لريهام سعيد عشان تدافع عني وتاخدلي حقي، ببص لقتيني من غير هدوم على الهوا، والصور اتسرقت من على تليفوني».
وأضافت: «أنا بمجرد ما نزلت من تسجيل الحلقة ببص لقيتهم جايين بيجروا ورايا علشان يمضوني على ورقة إن كل اللي هيتعرض في الحلقة أنا موافقة عليه ورفضت»، مستكملة: «موبايلي أخده حد من الإنتاج يشحنه، عمل نسخة من كل الصور، 600 صورة، وبيهددوني دلوقتي إني لو أخدت أي إجراء ضدهم هيطلعوا الصور».