بالفيديو.. محمود سعد لمحافظ الجيزة: «نفسي أدخل فيك السجن»

انتقد الإعلامي محمود سعد، اليوم الخميس، الدكتور خالد زكريا العادلي، محافظ الجيزة، بسبب ما سمماه، «تطاوله على أحد الأطباء أثناء جولة له»، قائلًا: «شاب زي ده يروح لمراته يقولها إيه، إنت لو ليك إبن تعمل فيه كده، كل ده ليه عشان حط إيده في البالطو».
وأضاف سعد، خلال برنامجه «آخر النهار»، الذي يُذاع عبر فضائية «النهار»، «الدكتور ده هيبقى عالم كبير، والمحافظ مش هيبقى أكتر من محافظ، مهما عمل»، مؤكدًا أن «المحافظ قهره، وده يعاقب عليه أي قانون محترم».
وتابع: «كان نفسي أقول كلام يعاقب عليه القانون وأدخل السجن في المحافظ ده، لكن يبدو أني أجبن من ذلك، والله لو أنا محامي كنت رفعت قضية على المحافظ فورًا، أنا مش بشتم، أنا بس هقول ربنا يقهر أي حد يقهر أي حد آخر».