تبدأ هذه الرحلة الساعة 9 مساء، حيث يتم التحرك بالسيارة للذهاب إلى جبل سيدنا موسى الشهير بمدينة سانت كاترين، هناك نزلت الوصايا العشر.. يتم تسلق الجبل مع ركوب الجمال ويشاهد السائح شروق الشمس من أعلى قمة في الجبل وتستغرق رحلة الصعود 3 ساعات. تبدأ رحلة صعود جبل موسي من أمام دير سانت كاترين، على ارتفاع حوالي 1585 مترا فوق مستوى سطح البحر، يكون الصعود بمرافقة دليل بدوي ذو خبرة عاليه بالجبل ودروبه، يوجد في الطريق الكثير من الاكشاك البدوية التي تيبع المياه والمشروبات، حيث يستطيع السائحون الجلوس والاستراحة بداخلها والتمتع بمشروب ساخن أو بارد ويتوافر في بعضها أيضا حمامات لقضاء الحاجة. ويقدم الدليل البدوي عدة نصائح للسائح الذي يتسلق الجبل هي: 1- لو طالع وقت القمر.. اقفل الكشاف هتشوف أحسن 100 ألف مرة.. الكشاف بيخليك متشوفش إلا تحت رجلك. 2 - حافظ على خطوتك.. لو سريعة خليها سريعة.. لو بطيء من الأول خليك بطيء. 3 - ماتتكلمش وإنت طالع وحافظ على نفسك وماتنساش تتنفس من مناخيرك. 4 - لو الدنيا برد اعمل حسابك في جزمة محترمة وجوانتي وطبعاً لبس تقيل. 5 - الجبالية هم اللي مسموح ليهم الشغل على جبل موسى.. دول من أحسن البدو اللي هتتعامل معاهم .. خصوصاً اللي فوق الجبل في الرست قبل القمة. 6 - إشرب شاي أو أي حاجة سخنة لما توصل وكسب الناس اللي عايشة في البرد فوق. 7 - لو بردان أوي أجر بطانية من الرست. 8 - ماتعملش صوت عالي وإحترم قدسية المكان واستمتع. 9 - ماترميش زبالة ولو معاك مناديل أو ورق خليهم في جيبك لحد لما تنزل أو ترميهم في الزبالة. 10 - متضيعش وقتك في الفرجة على شروق الشمس بس.. الشروق هو هو.. شفت الشروق.. اديلو ضهرك وبص على الناس وشوف التفاصيل وخد لفة في المكان هتلاقي ناس بتصلي وناس بتلعب مزيكا.. إنت وحظك. 11 - انسى موبيلك خالص وعيش من غير نت وتليفونات الكام ساعة دول. 12 - نسيت أقول حاجة وإنت طالع الجبل ومفرهد ومش قادر تكمل وحاسس إن مفيش أمل.. افتكر إن دة الجبل اللي سيدنا موسى كلم عليه ربنا وفكر في المنظر فوق.. سيبك من الناس ومن أي حد وخده تحدي مع نفسك. * * * *