بالفيديو.. السيسي يتصل ببرنامج «القاهرة 360» بسبب «معاق»

اتصل الرئيس عبدالفتاح السيسي، ببرنامج «القاهرة 360»، الذي يقدمه الإعلامي أسامة كمال ويذاع على قناة «القاهرة والناس، موجهًا تحية لأحد المعاقين: «دعوتك وصلتنى وكل المعاقين فى عينى وعيون مصر».
وأضاف الرئيس: «إحنا في دولة، لا بد أن ترعى مواطنها، ولكننا لا نحقق ما نرجوه بسبب الظروف الاقتصادية، نهدف إلى خدماتكم، وفي المقدمة منهم ذوي الاحتياجات الخاصة، لكن إحنا على الأقل هنحاول ننفذ كل ما لدينا من قوة وبإرادة حقيقية، كل ما أقره الدستور».
وتابع السيسي، «لا نستطيع أن نسهم بالقدر الكافي، لإعطاء هؤلاء حقوقهم، خصوصا في الوقت الحالي"، وأضاف "أختم كلامي، يارب أنت مطلع علينا وتعلم نواينا، وأنا هفكر كل اللي بيسمعوني بان النبي (ص) يقول لضعاف الأمة "بهم ترزقون، وبهم تنصرون"، هذا الحجم الطبيعي لقوتهم».
وأكمل «أولادنا اللي موجودين في الشارع، لن أطلق عليهم غير هذا الاسم، مش عايز أزود آلام المصريين، أقول لكل المشاهدين في قضايا كثيرة موجودة بمصر، مثل قضية أولادنا ذوى القدرات الخاصة، وزي اللي في الشارع، وزي اللي ظروفهم المرضية مش كويسة، وإحنا بسبب ظروفنا الاقتصادية مش قادرين نوفرلهم الحماية، ده دافع، وده سبب لأننا نشتغل، ده تحدي كبير، خلي بالكم، لا بد أن نكون على قلب رجل واحد، وأن نكون على قدر المسؤولية».
واختتم قائلا: «عشان ولادنا يكون في أمان وسلام ونقدر نعملهم حاجة كويسة، إذا كنا بنتكلم عن 2 أو 3 مليون، يا ترى دول ملهومش خاطر عند المصريين عشان يشتغلوا ويوفرلهم الأمان وحاجة تعوض عليهم، قضايا كثيرة أخرى بتقولنا خلوا بالكم يا مصريين من بلدكم، خلوا بالكم من أهلها».