بالفيديو.. السيسي :أطفال الشوارع "ولادنا"..ومستشفياتنا لا تلبي متطلبات ذوي الاحتياجات الخاصة..لكننا على قدر التحدي

قال الرئيس عبد الفتاح السيسي ،هناك قضايا هامة وخطيرة فى مجتمعنا مثل أولاد الشوارع ، قائلا :"أنا مبقلش عليهم غير ولادنا الموجودين فى الشارع" ،هذا الى جانب عدد آخر من القضايا لا أريد أن أذكرها للمشاهدين خاصة وأن اليوم هو الخميس وغدا هو يوم طيب جميل.
واضاف الرئيس خلال مداخلته الهاتفية فى برنامج "القاهرة 360" على قناة "القاهرة والناس"، أنا عاوز أقول لكل اللى بيتفرجوا علينا دلوقت فى قضايا كتير قوى موجودة فى مصر، زى أولادنا ذوى القدرات الخاصة، وأولادنا الموجودين فى الشوارع ، وكمان اللى عندهم ظروف مرضية، وإمكانيات مستشفياتنا غير قادرة على تلبية مستلزماتهم العلاجية، لو أننا وضعنا تلك الأمور فقط أمام أعيننا ستكون سببا لنعمل ولنتحرك بمنتهى القوة ونكون على قدر التحدي الذى تواجهه مصر.
وقال :"لكل اللي بيسمعنى ،خاللوا بالكوا ، الأمور دى لازم تخلينا على قلب رجل واحد ونتتحرك بمنتهى القوة ونكون على قدر المسئولية ،مسئولية مصر".
وتابع الرئيس :"أنا بتصل علشان أطمن على منعم وأسلم عليه" ،مضيفا :"علشان ولادنا دول يعيشوا فى أمان وسلام ،علشان ولادنا دول نقدر نعملهم حاجه كويسة ،إذا كنا بنتكلم عن 2 مليون أو 3 مليون، يا ترى دول ملهمش خاطر عندنا ،عند كل المصريين عشان يشتغلوا ويحافظوا على بلدهم ،عشان يقدروا يوفرلهم حاجة مناسبة تعوض عليهم شوية".
ونبه الرئيس الى أن هناك قضايا عديدة بتقولنا خلوا بالكوا يا مصريين من بلدكم وخلوا بالكم من مصر ومن شعبها ،مشيرا الى أن الدولة ستجيب على الأسئلة ولكن بعمل وبقوة.