مسئولين اخر زمن

اعتبر المستشار عدلي حسين، محافظ القليوبية، تكرار انقطاع المياه وأزمات الكهرباء وارتفاع الأسعار، تضاعف من ثواب الصائم،
واصفا أزمات المياه بأنها "إنذار إلهي للمصريين يستوجب ترشيد الاستهلاك في ظل خلافات دول حوض النيل، والتي تسعى للانتقاص من حصة مصر التي تكفي بالكاد".
استغفر الله العظيم اللهم انى صائمة بقى قطع النور والمياه هيضاعف من اجر الصائم يا كابتن عدلى يعنى الصائم بدل ما يذكر ربنا هيقعد يقول ويعيد عن فسادكوا اللى واصل لرموش العين كده اجره هيزيد ولما ميعرفش يتوضى ويتيمم كأنه عايش فى الباديه ويسب ويسخط فى اشكالك هيضاعف ثواب الصيام يعنى مفيش ثواب حسب كلام سيادتك الا لما نعيش عيشة ضلمه والغاز يتصدرللشقيقة الصغرى للرئيس المدعوة اسرائيل ما احنا جيران برده والنبى وصى على سابع جار ودول السلك فى السلك تضلم عندنا عادى المهم تنور عندهم وبكده ناخد ثواب
كابتن عدلى بيقول انه انذار الهى للمصريين يستوجب الترشيد مش تقصير حكومى وهو ده المهم
يعنى الحكومة ادت الواجب ناحية دول المنبع واهتمت اقصى اهتمام بملف مياه النيل لكن ربنا غضبان علينا وراضى عنهم
وده كان كلام مسئول حكومى مكشوف عنه الحجاب وكل همه ناخد ثواب مضاعف
اما المسئول الثانى فحدث اليوم ان وزير الثقافه
فاروق حسنى يغيب عن مكتبه.. و«يعتكف» فى منزله حزناً على اللوحة
يا سلام على الرقة وحنية القلب معتكف حزنا على سرقة لوحة الخشاش و مامتش حزنا على الاسر اللى صرحت انها لا تاكل طول العام اكل ادمى الا فى رمضان على موائد الرحمن وان ام من الامهات قالت ان دخل الاسرة 250 جنيها ولديها ولدين بنهاية سن المراهقة ويتحرجوا من الاكل فى موائد الرحمن فيذهبوا ويأخذوا الوجبتين وترجع هى واولادها ليفطروا فى رمضان عند صلاة العشاء هو ده حال الناس اللى يحزن بجد
طبعا لا اقبل او يقبل اى مصرى ان تسرق لوحة من ممتلكاته تقدر بملايين الدولارات سرقت نتيجة اهمال وفساد وتسيب ولكن احزن يا وزير الثقافه فلو كان فى سرقة اللوحة حزنك وموتك كمدا لدعيت ان تحرق لا تسرق فقط فالمواطن العادى لا تعنيه لوحة لفان جوخ ولن تعنيه االثقافة والقراءه وهو جائع هو واولاده يعيش فى الظلام ولا يكفى اقل متطلبات الحياة الاساسية سد احتاجاته الاساسيه اولا وبعدين نبقى نكلمه على الثقافه
ولا ايه يا رقيق يا فنان الشخبطة