المستشفي اشتكت من كتر الاصابات ؟؟

للهم لا اعتراض .. ولكن كيف للاعبي فريق بحجم الاهلي ان يصابوا كل هذه الاصابات والسبب يكون مجهولا الا تعلم عزيزى الاهلاوي ان الاهلي لم يلعب مباراتين متتاليتين بنفس التشكيل علي الاقل يتم تغيير 3 لاعبين في القوام الرئيسي للفريق نعلم جيدا ان الاهلي (بمن حضر) ولكن لابد وان تكون هناك وقفة امام الاصابات المتكررة ..
كريم بامبو.. إصابة رباط صليبي جديد تضرب فريق الكره بالنادي الأهلي، الإصابه هي ال5 خلال سنه لفريق الأهلي بعد ( جدو، عمرو جمال، محمد حسن ,ناصر ماهر
و كريم بامبو)كثرة الإصابات بشكل عام و الرباط الصليبي بشكل خاص لفريق الكره شئ مُلفت للأنتباه و مقلق. في البدايه الإصابه دي ممكن تحصل لاي لاعب علي مستوي العالم لكن بالطبع توجد أسباب للإصابات المتكرره داخل الفريق، و إحنا كجمهور الأهلي من حقنا نعرف فين التقصير!! و هل ده نتيجة الأختيار الخاطئ للناشئين من حيث القوه الجسمانيه و العضليه ؟ ولا بيتم إعداد الناشئين في النادي بشكل خاطئ؟ ولا هو لطريقة تمرينات خاطئه لتقوية عضلات الجسم و رفع المعدل البدني ؟ ولا نتيجة سوء أرضية ملعب التمرينات بالنادي ؟ هل هو نتيجة أحمال بدنيه زائده في التمرينات و عدم كفاية الوقت لإراحة العضلات ؟ هو نتيجه لتلاحم مباريات قطاع الناشئين و الدوري الممتاز ؟ هو نتيجة للإحماء الخاطئ قبل خوض اللقاءات و المشاركه فيها ؟ أحصائيه سريعه يتعرض "ولاد النادي" دائما للإصابات الكبيره أمثال.. غالي/ متعب/ إكرامي/ عمرو جمال/ تريزجيه/ محمد حسن/ بامبو/ احمد عادل/ و غيرهم كتيير. و حاليا يوجد حوالي 12 لاعب مصاب وهو رقم مهول ولا يصدق ولا اعتقد ان فريق واحد في العالم وصل لاعبية المصابين للعدد دا و الغريبة ان فترات الإصابة في الاهلي تساوي اربع أضعاف فترات الإصابة في اي مكان اخر ... يعني متستغربش لو لاعب حالة شد وفضل يتعالج 6 شهور و احيانا في لعيبة بتفضل تتعالج بالسنتين !!! والاغرب ان فية لعيبة كتير جالهم صليبي من غير ادني التحام عنيف ... ودا بيوضح ان المشكلة اساسها عضلات ضعيفة و تكوين جسماني مش قوي ناخد مثال ... لعيبة زي ميسي و كرستيانو بيتعرضوا لعنف مش طبيعي في الالتحامات و مع ذلك نادرا ما بيحصلهم إصابة وحتي لو حصلت بيعودوا سريعا جدا للملاعب .. دا مثال ان الإعداد البدني السليم بيعتبر اقوي حائط صد ضد إصابات الملاعب من حقنا فتح موضوع زي ده لأننا أكبر نادي في القاره السمراء.. مايصحش ابداً تبقى عندك كمية الإصابات دي و بالخطوره دي وبالكميات دي احنا واقفين نتفرج، أكيد في إخطاء و اكيد في مسببات و اكيد في تقصير، مستحيل يكون كل دا صدفة..
لابد من وجود حساب للمقصر في هذا الموضوع .