أخبار الأهلي : "مفاجأة".. "اهلاوية" يتبرعون للزمالك .. والأبيض يرد !

أخبار الأهلي : فجر الإعلامي مهيب عبدالهادي مفاجأة من العيار الثقيل بشأن حساب تبرعات نادي الزمالك والذي قرر مسؤولو الأبيض فتحه أمام الجماهير من أجل التبرع للنادي ومساعدته في أزمته المالية الطاحنة.
أخبار الأهلي : مهيب : جماهير أهلاوية تبرعت للزمالك
وقال عبدالهادي خلال حديثه ببرنامجه اللعيب عبر قناة mbc مصر: جماهير الأهلي تفاعلت مع فتح حساب لنادي الزمالك مش عايز أقول اتبرعت لا ساعدت نادي الزمالك فيه ناس أهلاوية راحت واتبرعت في حساب النادي وأنا اتبعتلي الكلام ده من أهلاوية وقالوا إننا بندعم نادي الزمالك وراحوا ودفعوا فلوس.
وعلق حسام المندوه عضو مجلس الزمالك على ما قاله مهيب عبدالهادي بشأن تبرع جماهير الأهلي حيث قال: بنشكرهم على روحهم وهو ده الجمهور المصري المحترم اللي عايز الدوري يكون سخن وعايز يقول إننا مع الكيان الكبير بنشكرهم كتير.
وتابع: ولكن الفكرة خارجة من جمهور نادي الزمالك مش من أعضاء اللجنة نهائيًا قابلونا جماهير الزمالك وقالوا إحنا عايزين نشارك وندعم إحنا محبين نعمل إيه عايز أقول مدعم صفقات النادي والنادي هو جماهير نادي الزمالك بنتلقى كم رسائل كبير جدا من مصر ومن الوطن العربي ومن أوروبا الناس فرحانة بالموضوع ومقبلة عليه ومتفاعلة معاه جدا ومش فارق معانا الأرقام نهائيا اللي بيدفعوها فارق معانا الروح الكبيرة من الجماهير وقريب جدًا هنعلن عن الأرقام اللي تم إرسالها وهتقولوا إننا كنا على حق، ولكن وفرنا 100 مليون منذ تولينا المسؤولية ولكن غمضنا عنينا وفتحنا اتصرفوا ومحتاجين تاني وتالت ورابع وخامس عملنا فكرة ولدينا أفكار أخرى.