أخبار الأهلي : نجم الأهلي يقصف جبهة رمضان صبحي

أخبار الأهلي : قال عمرو جمال، لاعب النادي الأهلي المعار لفريق طلائع الجيش، إنه يريد أن يرتبط اسمه دائمًا بالنادي الأهلي، لافتا بأنه سيكون من الصعب أن يتخذ قرارا بالانضمام لنادي الزمالك في حال قرر الأهلي الاستغناء عنه بشكل نهائي.
وخلال ظهور «جمال»، ببرنامج «اللعيب»، رفقة الإعلامي مهيب عبدالهادي، عبر قناة «MBC مصر»، قال عن هذا الأمر: «صعب قوي جدا إني أتخذ قرار الرحيل للزمالك لأن عايز اسمي يكون مرتبط بالأهلي، الزمالك يرضي طموح لاعبين كتير جدا، ومحدش يقدر يقلل منه، وأنا في حال قرر الأهلي الاستغناء عني في الوقت ده، أنا عايز اسمي مرتبط بالنادي الأهلي، وفي حال قررت الانضمام للزمالك هخسر كتير جدا لأن جماهير الأهلي تساندني بقوة، وأنا متواجد في طلائع الجيش، وهخسر جماهير كبيرة وكيان كبير جدًا».
أخبار الأهلي : عمرو جمال : فانلة الأهلي فلوس لوحدها
وقال اللاعب بأنه في حال تواجد في الأهلي وأصبح رقم 1 وعرض نادي بيراميدز عليه 100 مليون جنيه سيرفض هذا العرض من أجل الاستمرار مع القلعة الحمراء، لافتا بأن هذا الحديث في حال أنه كان رقم واحد وفريقه في احتياج له.
ووجه مهيب عبدالهادي سؤالا واضح وصريح له قائلًا : في حال قدم بيراميدز عرض لك مقابل 100 مليون جنيه هل ستوافق.
ورد عمرو جمال قائلًا : الأهلي هيكون رقم واحد بالنسبالي مع احترامي لنادي بيراميدز تيشرت الأهلي فلوس تتحط عليها فلوس بتاخدها بمجرد ما بتلبس تيشرت الأهلي ده فلوس والله قيمته زي المبلغ ده كله تيشرت الأهلي ب100 مليون هرفض العرض طول مانا رقم واحد في الأهلي والأهلي عايزني أي حاجه هتيجي من الأهلي بجانب التيشرت ده قد العرض ده 100 مليون هعيش بالعيشة بتاعت 10 مليون هروح نفس الأماكن وهاكل نفس الأكل وهسكن في نفس المكان والله العظيم أنا بقول عمرو جمال أنا بالعكس قيمتي قدام الناس ومشياني في الشارع والناس بتحترمني ده بالنسبالي حاجه كبيرة" .
واشار الى رمضان صبحي أخطأ فى قرار رحيله عن الأهلي مؤكدا ان اللاعب بالتأكيد يشعر بالندم حاليا على الرحيل .