الأهلي نيوز : حسين الشحات يكشف سر مكالمة الخطيب وغضبه من 150 مليون

الأهلي نيوز : كشف حسين الشحات لاعب النادي الأهلي ومنتخب مصر الأول لكرة القدم ، عن كواليس جديدة عن إنتقاله لصفوف القلعة الحمراء قادما من صفوف نادي العين الإماراتي خلال فترة الإنتقالات الشتوية الماضية ، في شهر يناير
الأهلي نيوز : غضبت من مسئول العين بسبب تجاهل إتفاقه مع الخطيب
الأهلي نيوز : وقال حسين في تصريحات تلفزيونية ” فيه حاجه زعلتني هقولها لاول مره، مسؤول في نادي العين كان متفق مع كابتن الخطيب اني هروح الاهلي، وكابتن الخطيب قالي المسؤول ده هيكلمك، فات 10 ايام المسؤول ده مكلمنيش، كابتن الخطيب كلمني قالي ايه يا حسين قالك حاجه، قولتله لا يا كابتن، قالي خلاص متكلموش ومتفتحش الموضوع خليه هو اللي يكلمك، وهو مكلمنيش برده
الأهلي نيوز : وأضاف حسين الشحات ” كلمت كابتن حماد رئيس العين قولتله انا عاوز امشي، هو قالي ليه انت كويس هنا وكده، قولتله أهلي مش مرتاحين هنا وكده انا جبتها في أهلي، هو قالي تعالي نروح للمدرب، المدرب مكنش موافق وقالي انت من احسن اللاعيبه هنا، قولتله لا انا خلاص عاوز امشي، لان كنت رعلان ان عضو مجلس الإدارة ده اتفق مع كابتن الخطيب ومقاليش، حتي قولت لبعض اللاعيبة ان الشخص ده اتفق مع الخطيب ومش بيقولي، وهما استغربوا
الأهلي نيوز : نقد ال150 مليون كان يصيبني بالغضب الشديد
الأهلي نيوز : وأضاف الشحات قبل ما أجي الاهلي وانا في العين جالي عروض كتيره جدا، وكان فيه عروض من السعودية ومن مصر بفلوس كبيره جدا، بس انا قولتلهم هناك انا مش همشي غير للاهلي احسن نادي في العالم بالنسبالي ودفعت 75 مليون للرحيل، أسوء فتره في حياتي فنياً كانت اول 20 يوم كده في النادي، مكنتش عارف انا مالي، لحد معسكر أسبانيا الحمد لله جيت من هناك بشكل تاني ، كان فيه نقض بيدايقني جدا وهو لما حد يقولي ياعم انت جاي ب 160 مليون ومعملتش حاجه، كنت بزعل لكن في نفس الوقت كانت بتديني دافع .. حتي كابتن بركات كنت في المنتخب لقيته بيقولي تعالي يا ابو 150 مليون