أخبار الأهلي : مدافع الأهلي يفتح النار على نجم الإسماعيلي : هو اللى فلس الدراويش

أخبار الأهلي : شن شريف عبد الفضيل مدافع الاهلى السابق هجوماً عنيفاً ضد حسنى عبد ربه نجم الاسماعيلى ومنتخب مصر السابق ، وقال عبد الفضيل فى برنامج وان تو مع الاعلامى سيف زاهر عبر أذاعة أون سبورت :" الناس بتقول مكنش المفروض نمشى من الاسماعيلى ونكمل مع النادى ، مع ان اللى عملناه هو الاحتراف ، ومثلا محمد حمص كان بيعشق الاسماعيلى ورفض فلوس كتير وعروض كبيرة ودلوقتى بحب أسالهم فين محمد حمص ؟ حد يعرف ؟ ".
أخبار الأهلي : شريف عبد الفضيل : الإسماعيلي فلس بسبب حسنى عبد ربه
وتابع شريف عبد الفضيل : " تى شيرت الاهلى مختلف وله بريقه ، حتى حسنى عبد ربه كان عايز يمشى من النادى بس كمل عشان خد فلوس محدش خدها فى تاريخ الاسماعيلى كله ، الاسماعيلى فلس بسبب حسنى عبد ربه ، كان بياخد مبالغ خيالية 4 أو 5 مليون جنيه فى الموسم ، والاسماعيلى عمره مامنح الارقام دى لاى لاعب ".
ويضيف مدافع الاهلى الاسبق: "الاسماعيلى محققش بطولات فى عهدى ولا عهد حسنى عبد ربه ، بس بسأل عمل ايه عشان ياخد 5 مليون جنيه فى الموسم ، لاعب جامد وشخصية قوية بس بردو ايه النتيجة بعد كل الملايين اللى خدها من النادى مجابش بطولة للدراويش ".
وعن رأيه أيهما أفضل أحمد فتحى أم حسنى عبد ربه قال شريف عبد الفضيل :" حسنى قوى فى مركزه إنما أحمد فتحى جوكر قوى فى كل مراكز الملعب".