شاهد.. "ميدو" يفتح النار علي حسني عبد ربه

فتح أحمد حسام "ميدو"، المدير الفني السابق للإسماعيلي، النار علي حسني عبدربه لاعب الفريق الكروي بالدراويش قائلاً:
"حسني عبد ربه طلع مع كابتن شوبير وقال أنا ورايا بلد، عيب إنك تقول كده ياحسني جمهور إسماعيلية عارف إنت عملت ايه للنادي، جمهور إسماعيلية بيقول إن حسني عبدربه عمره ما أخد بطولة للنادي، والفلوس اللي اتنازل عنها للاعارات كان بياخد فى السنة 2 مليون دولار من النادي، واشترط على النادي في آخر تجديد عقد له الحصول علي شيك بمليون ونصف وإلا لن ينزل الملعب وفعلا لم ينزل لمدة 3 أيام وحصل علي الشيك، وعندما مضى حسني للنادي الأهلي جمهور الإسماعيلية طلع بجنازة وشايل كفنه ورجع عن قراره خوفًا على أهله".
وواصل "ميدو" خلال تصريحات تليفزيونية لفضائية "دريم" مساء اليوم الجمعة، قائلاً: "حسني بيقول إن ميدو ترك الزمالك وجري وراء الإحتراف الزائف.. أنا احترفت احتراف زائف.. أنا اللي رحت أحد الأندية المهددة بالهبوط وكنت في وسطهم "قزم" وكان شكلي يضحك، حسني عبدربه الناس كانت بتضحك عليه".
وهاجم ميدو حسني عبدربه بعد حديثه عن الإنتماء قائلاً: "إنتماء حسني عبدربه اللي بيتكلم عنه ده نصب وضحك علي الناس، الإنتماء مش انك تمضي للأهلي وتعيط وتتوسل للجمهور عشان نفسك تلعب في الأهلي".
شاهد الفيديو...