الأهلي نيوز : سر تحول أداء الأهلي أمام المقاصة وفشل معلول كجناح

الأهلي اليوم : الأهلي يفوز على مصر للمقاصة و يُفسد مجهودات مروان محسن وأحمد
الشيخ في تضييع الانتصارات المتتالية ، أي مدرب جديد من حقه يجرب خاصةً لو أجنبي ،
فايلر مدرب بيحب يجرب خصوصًا إنه واخد ثقة إعلامية و دعم إداري وجماهيري في
الأهلي لم يحصل عليه أي مدرب بعد جوزيه.. جرب فايلر يعوض الغيابات بتثبيت التشكيل
لكن مع مشاركة احمد فتحي كظهير أيسر ومعلول جناح أيسر مع الحفاظ على باقي افراد
التشكيل.
الأهلي اليوم : تغيير مكان معلول غير مفيد للأهلي فنيا

الأهلي اليوم : ليه دايمًا بتفشل فكرة تغيير مركز معلول ؟ لأن ببساطة مش أهم ميزة
في معلول وهو بيستلم في رجله وضهره للملعب.. هو لاعيب كورة كويس وبيستلم في
رجله كويس لكن معلول مبقاش معلول المرعب ده الا لأنه بيستلم في مساحات وهو
جاي بوشه للجول.. معلول هو اللي تخلقله المساحة مش اللي تستخدمه عشان يخلق
هو المساحة.

الأهلي اليوم : شوط اول تهاون فيه لاعيبة الأهلي في الضغط المعروف عن أهلي فايلر ،
تسبب ده في إن الأهلي مكنش بيستعيد الكرة بسرعة كالعادة بالتالي الفريق مسيطر
بشكل كامل على الكرة و مع دفاع الأهلي المتقدم وبدون ضغط جاد قدر المقاصة يوصل
بانفراد صريح عن طريق عمرو مرعي وبكورتين شبه انفراد لعمرو مرعي وبيكلي من خلال
الكور الطويلة اللي بيعتمد عليها ميدو.
الأهلي اليوم : التغييرات أحدث الفارق للأهلي

الأهلي اليوم : في الشوط التاني خروج احمد الشيخ اسوأ لاعب في الملعب مع مروان
محسن ونزول وليد سليمان ونزول جيرالدو وخروج محمد هاني و مع التغيير ده كل لاعيب
من فتحي ومعلول رجع لمركزه واستفدت منهم بعد ما كنت خسران الاتنين في الشوط
الأول.. تراجع من المقاصة فني وبدني وضغط زاد من الأهلي والنهاية كانت متوقعة
ومنتظرة بفوز الأهلي بهدفين كان ممكن يكونوا اكتر لو كان الاهلي بيمتلك مهاجم بيعرف
يجيب الكورة جول لما بتنزل على دماغه جوا ال6 ياردة ، نجم الفترة الاخيرة في تشكيل
الاهلي هو اليو ديانج بلا منازع.