أخبار الأهلي : سر تراجع مستوي الأهلي أمام الإسماعيلي في الشوط الأول

أخبار الأهلي :الاهلي بيخطف 3 نقط صعبين قصاد الاسماعيلي “المجتهد” ،أداء الاسماعيليمفاجأة خاصة في الشوط الأول كان بيضغط و بيهاجم الاهلي ، الضغط اللي كان بيعمله لاعيبة الاسماعيلي على قفشة اول ما يمسك الكرة افقد #الاهلي قوة كبيرة في التحضير و الوصول لمرمى الاسماعيلي (في الشوط الاول) ، مع مرور الوقت و انخفاض اللياقة البدنية للدارويش اصبح #قفشه اكثر حرية في الشوط التاني.. ادى ان الاهلي بدأ يظهر هجومياً الى حد ما في الشوط التاني
أخبار الأهلي : أداء الأهلي تراجع بسبب ضغط الإسماعيلي
أخبار الأهلي :نزول وليد مع اجاي رجع بعض الانسجام اللي كان غايب عن لاعيبة الاهلي في الشوط الاول ، و مش عارف افهم ايه فكرة فايلر في انه يلعب بالشحات في مركز 10 ! الشحات لاعب وينج بيمسك الخط و يضم لجوا بالكورة ، غير كدة انت بتخسره !لكن ده ميقللش من دور فايلر و تغييراته الممتازة جدا
أخبار الأهلي : سيستم #الاسماعيلي الهجومي كان معتمد على السرعه ولا شئ غير السرعه ، مش مهم اي حاجه تاني غير ان اللاعب يبقى سريع و ده شئ غريب جدا !
صحيح ان السرعه بتوصل الاسماعيلي على حدود منطقة جزاء الاهلي لكن و بعد كدة ؟ كمية كرات عرضية بتتلعب للشامي الوحيد جوا منطقة جزاء الاهلي (و كمان مش مميز برأسه !)‼️
خروج عبد الرحمن مجدي اثر كتير على الجبهه اليمين للاهلي ، ايضا خروج بيكيتي سيلفا اثر على الجبهه الشمال !
أخبار الأهلي : دفاع الاهلي فيه مشاكل مش طبيعيه ! هاني و معلول اي وينج تقيل هيلعب عليهم هيتعب الاهلي جدا ! شوارع في ظهرهم و عشان كدة كان الاسماعيلي بيحاول يلعب في ظهرهم لكن امكانيات اللاعيبة منصفتوش شئ مميز للاهلي انك تكسب و انت مش في احسن حالاتك و تاخد 3 بونط من ماتش صعب قدام فريق محترم جدا و مجتهد ، لاعيبة الاسماعيلي مجتهدة جدا و عملت مجهود جبار لكن هتظل دي اقصى امكانياتهم و مش شايف ان كان عندهم حاجه افضل من كدة