أخبار الزمالك : الزمالك فريق ضعيف وفقير ويتم تسميمه في الفضائيات

أخبار الزمالك : الزمالك بيتسمم بتمجيد الاستديوهات التحليلة مصممين إن الزمالك عمل ماتش عظيم لدرجة إن كابتن أيمن يونس بيقول إن يوسف أوباما عمل مباراة رائعة مع ان أوباما كان اسوأ لاعب في ال22 لاعيب ، الزمالك بيتسمم بكليشيهات المكسب بيجيب مكسب و الفرق الكبيرة بتكسب و هي وحشة و أهم حاجة ال3 بونط لكن هتيجي فترة المكسب مش هيجيب مكسب ولا هتطول ال3 نقط مادام الأداء سئ.
أخبار الزمالك : شكل الزمالك الجماعي فقير جدًا
– بناء الهجمة بطئ و إعتماد بالكامل على رؤية فرجاني ساسي و قدرته على الخروج بالكورة تحت ضغط لكن غير كدة تحركات الزمالك بدون كورة أثناء بناء الهجمة بطيئة و تقليدية جدًا عشان كدة كل لاعيب بياخد وقت كبير عقبال ما يتصرف بالكورة لحد ما يتضغط عليه و يفقد الكورة و انت وحظك بقى لو المنافس هيقرر يضغط ولا لأ
كل الاستديوهات بتتكلم عن إن الزمالك عمل ضغط رائع حرم لاعيبة المقاولين من نقل الهجمة بس مخدوش بالهم إن المقاولين حتى في الشوط التاني لما الزمالك مبقاش يضغط برده معرفش يوصل لمنطقة جزاء الزمالك بالتالي سوء حالة لاعيبة المقاولين كانت السبب الأكبر في نجاح ضغط الزمالك في الشوط الأول