الأهلي نيوز : لماذا إستمرار لاسارتي يهدم مشروع الأهلي ويهدر الصفقات

الأهلي نيوز : في رحلة تطور الكرة كأي رحلة تطور في العالم و في أي مجال اتعلمنا وفهمنا ان لما يبقى معاك اسماء لاعيبة تقيلة ده مش معناه ان عندك فريق تقيل إطلاقًا.. عشان يبقى معاك لاعيبة تقيلة بتشتري لاعيب تقيل او اكتر في كل مركز و عشان يبقى عندك فريق تقيل لازم يبقى عندك مدب تقيل، إذًا بحاصل ضرب الطرفين في الوسطين ممكن تشتري نجوم العالم و يبقى عندك مدرب قليل و الناتج هيبقى 0
الأهلي نيوز : الأهلي يحتاج إلي مدرب كبير
الأهلي نيوز : في نفس الرحلة الكرة أثبتت لينا بدل المرة مليون ان المكسب مبيجبش مكسب مادام المكسب جه بالصدفة او بقدرات فردية و ان المكسب اللي ييجي بالطريقة دي مش هييجي وراه غير كارثة مش مكسب.. وبالمناسبة ميتين أم التلاتة بونط اهم حاجة فعلا بس مش الحاجة الوحييييدة المهمة و مينفعش يبقى معيارك الوحيييد ف التقييم هما التلاتة بونط لأن ساعتها يبقى انت كمسؤول ملكش لازمة ممكن نستغنى عن خدماتك و نستبدلك بآلة حاسبة بتحسب التلاتة بونط ورا كل مدرب.. بالمناسبة هي مسمهاش بونط بس اجواء و طريقة التقييم في الاهلي لازم تقول فيها تلاتة بونط.
الأهلي نيوز : الاستقرار شئ عظيم و التغيير الكتير شئ سلبي، بس الاستقرار لازم يبقى مبني على أسباب و مقدمات تبني عليها بالاستقرار، متضربليش كل الأسباب و المقدمات بالنار و تقولي نستقر، لا ده مش استقرار ده الهدوء اللي بيسبق العاصفة اللي هتيجي هتيجي باستمرار لاسارتي.
الأهلي نيوز : يعني عايزين تمشوا النادي من السوشيال ميديا ؟ – خالص، انا اتمنى لاسارتي يمشي بس اتمنى يمشي بقناعة من المجلس مش بضغط الجماهير لأن الجماهير زيها زي أي انسان ممكن تصيب و ممكن تخطئ و رأيها مش مُلزم للإدارة و على سبيل المثال انا شايف ان ضغط الجمهور لرحيل البدري بعد خسارة كامبالا كان غلط استجاب له المجلس بغض النظر عن اللي حصل من البدري بعد كدة.