الأهلي اليوم : 4 نقاط تكشف كيف يتحول لاسارتي لجوزيه جديد في الأهلي

الأهلي اليوم : يدعي البعض أن مارتن لاسارتي المدير الفني للأهلي ، ليس لدية بصمات فنية واضحه علي الفريق ،
وأن الأداء الجيد نتيجة الصفقات الجديدة ، عادة المدرب اللي بيكون جبهات و يلعب من
على الأطراف ببدي تعليمات للوينج إنه يدخل لعمق الملعب عشان يسحب معاه الدفاع
خطوتين لجوا و يفضي مساحة للباك يعمل فيها الأوفر لاب و دي جملة معتادة جدًا بيعملها كتير أهلى لاسارتي،
لكن ماذا لو فشلت الجملة و قدر دفاع الخصم يتفاداها هيعمل ايه لاسارتي ؟ بيعمل حاجة بسيطة جدًا..
الوينج هو اللي بيفتح الملعب و اللي بيدخل للعمق هو الباك بغرض تشتيت الخصم
خصوصا مع النقل من لمسة واحدة السريع اللي بيعمله أهلي لاسارتي و مبيقدرش المنافس يتدارك اموره سريعًا .
الأهلي اليوم : بصمات لاسارتي واضحه في فريق الأهلي

الأهلي اليوم : نبدأ الأمثلة..1- هدف علي معلول في سيمبا التنزاني في برج العرب..
في بداية الهجمة هتلاقي إن هاني موجود في مكانه الطبيعي زي أي باك و حسين
الشحات داخل للعمق زي أي وينج برده لكن الطريق كان مقفول على هاني، استلم
هاني الكورة و سلمها للشحات و بعد ما سلمها حصل تبادل بينه و بين الشحات دخل
هاني للعمق و فتح الشحات على الطرف و اتفتح الطريق للشحات و استلمها و رفعها و كانت نهايتها جول لعلي معلول .

الأهلي اليوم 2- هدف محمد هاني في الداخلية.. أكيد استغربت إن هاني سجل من

المكان ده، لو أي حد ميعرفش لاعيبة الأهلي و شاف الجول هيقول إن أكيد هاني هو الوينج و حسين الشحات هو الباك.. حسين فاتح الملعب على الطرف و هاني استلم من
العمق على دايرة نص الملعب و سلم الكورة للسولية و كمل و اتحرك بدون كورة لداخل منطقة الجزاء و سجل .
الأهلي اليوم : أمثلة علي تطور الأهلي مع لاسارتي

الأهلي اليوم : 3- هدف چونيور آجاي في الداخلية.. معلول بدأ اللعبة في مكانه الطبيعي
ثم سلم الكورة لجيرالدو و جيرالدو مدخلش لجوا الملعب زي اللي كان هيعمله أي وينج
عشان ياخد معاه مدافع و يفضي المساحة لمعلول على الأطراف لكن اللي حصل إن
جيرالدو سحب معاه مدافع فعلاً لكن على الخط و معلول هو اللي دخل للعمق و جيرالدو سلمها لمعلول بكعبه اللي عمل الاسيست لآجاي .

الأهلي اليوم : 4- هدف مروان محسن النهاردة في بتروجيت.. نفس الكلام.. في بداية
اللعبة معلول في مكانه الطبيعي بيستلم الكورة على الخط و آجاي داخل للعمق لكن
بمجرد ما معلول سلم الكورة لمروان تبادل معلول و آجاي مراكزهم و فتح آجاي الملعب و
دخل معلول للعمق اللي استلمها من مروان و انتهت بجول الأهلي التاني ،دي الحالات
اللي إنتهت بأهداف بس لكن في أكتر من مرة اتكررت نفس الجملة و محالفش لاعيبة الأهلي التوفيق في إنهائها بالشكل المثالي لكن الفكرة موجودة و بتتنفذ .