الأهلي نيوز : رمضان صبحى لاعب الأهلي أخر 3 سنين تقريبا وهو فاكر إن علشان ينجح فى الدورى الإنجليزى يبقى أهم شئ بالنسباله إنه يشتغل على تطوير العامل البدنى عنده والقوة الجسدية علشان يقدر يجارى أسلوب وريتم لعب البريميرليج ، فى علم الرياضة البدنية بديهى إن زيادة الكتلة العضلية فى الجسم بيصاحبه إنخفاض فى معدلات الرشاقة والمرونة فى الجسم وده بيقلل منك لو كنت لاعب مهارى وحريف وبيحولك أكثر لقاطرة التحامات ولعب فى المساحات . الأهلي نيوز : شوقي غريب حجم قدرات رمضان الأهلي نيوز : أكبر مثال على كلامى هو الدون البرتغالى صاروخ ماديرا كريستيانو رونالدو اللى تحول من جناح رشيق ومهارى و بيعمل فينتات ودريبل عمال على بطال ، الى لاعب مهاجم قوى جدا جسدا وبدنيا وصعب جدا تجاريه فى الإلتحامات أو المساحات ، لاسارتى وشوقى غريب مصممين يتعاملوا مع رمضان صبحى إنه رمضان المهارى والحريف جدا اللى يلعب على الخط و يتحط كتير فى موقف واحد لواحد ، باص طويلة لرمضان وهو يتعامل مع خط الدفاع كله بمهارته وموهبته ، وده طبعا لو حصل ونجح مرة هيفشل ألف مرة . الأهلي نيوز : لقطتين واضحين فى مباراة مصر ومالى الكرة تتلعب طويلة لرمضان فى موقف هجومى على طرف الملعب ، مفيش ظهير بيعمل معاه أوفر لاب ، مفيش لاعب 10 ظهرله ، مفيش مهاجم نزل يستلم ، مفيش ديفندر عمل زيادة فى العمق ، وكانت النتيجة الكرة بتتقطع ورمضان بيظهر مستوي متواضع ، هنا كان تجلى لرؤية المدرب وذكاء المدرب و دليل كبير على إن رينييه فايلر مدرب ناضج الأهلي نيوز : فايلر نجح في تطوير رمضان الأهلي نيوز : رمضان مع فايلر مبقاش أبدا بيستلم من وضع ثبات ومفيش لعب على الواقف ، رمضان لو استلم معلول هيطلع من وراه ، أجايى هينزل يستلم ، قفشة هيقرب منه ، السولية هيزيد من العمق ، فبالتالى مش محتاج مهارة رمضان الفائقة تظهر إلا فى مواقف قليلة اضطرارية تحتاج للمراوغة ، والمواقف دى تقريبا هتبقى واحد لواحد وفى مساحة فى ضهر المدافع ، يعنى سباق قوة وسرعة وهنا هتظهر إمكانيات رمضان صبحى . الأهلي نيوز : قيمة وقوة المدرب الفنية والتكتيكية بتظهر فى التفاصيل ، تفصيلة جمب تفصيلة تصنع فكرة والفكرة تعمل حالة والحالة تعمل شكل والشكل يعمل سيستم ونظام واضح للفريق تتبدل وتتغير فيه القطع ولا يتغير فيه السيستم ، فايلر صنع منظومة مع الأهلى أى حد ممكن يدخل مكان أى حد يظهر إن مفيش خلل فى الفريق ، لأن السيستم لا يتغير بتغير الأفراد .