الأهلي نيوز : القيعي يكشف مفاجأة عن كهربا وضربة لمرتضى والصفقات الجديدة

الأهلي نيوز : تحدث عدلي القيعي مستشار لجنة التعاقدات في النادي الأهلي ، ومقدم برنامج “ملك وكتابة” ،
عن كواليس أزمة عبدالله السعيد لاعب الفريق الأسبق ورحيل بعض لاعبي الفريق ، وقال
القيعي ” لو املك اني اجبر لاعب يطلع اعارة او بيع لنادي معين مش من العدالة اني اعملها ..
في المقابل مينفعش لاعب يقولي طيب مش ماشي وهبقى فري ، مهما كلفك عشان
تنقذ بطولة تسعد جمهور الأهلي وفي استطاعتك تدفع يبقى لازم تدفع ، الطموحات
المحلية مش نهاية المطاف .. افريقيا الاهم لينا وللجمهور
الأهلي نيوز : عبدالله السعيد لم يكن صريح مع الأهلي

الأهلي نيوز : وأضاف القيعي ” مفيش لاعب بيسيب نادي في مصر الا وهو ماشي بيتقاله
سيب فلوس وبيسيبها عشان يخرج .. الا الاهلي بتاخد فلوسك كاملة قبل ما تمشي ولو
ليك باقي بتاخده بعد ما تمشي .. والعطاء في الاهلي مش شرط وانت في الملعب بس ..
في ناس بيبدأ مشوارها الحقيقي بعد ما تعتزل .. امير توفيق مثال .. فانت لما بتشتري الاهلي بتاخد تاريخ وشعبية سواء كلاعب او بعد الاعتزال

الأهلي نيوز : وتابع القيعي ” مشكلة الاهلي مع عب الله السعيد انه مكانش صريح .. لما
اتقعد معاه قال مستني عرض برة وبصلي استخارة وهو ماضي وقابض 40 مليون .. كان ممكن يقول ونشوف بديل ..
زمايله اللي كانوا معاه ومعرف بعضهم نتعامل معاهم ازاي ؟ عرفت ان مرتضى بيوضب
لحاجة لما حاول يلبسني في تصريح اني جددت لعبد الله .. كان بيلعب معايا دور الشايب وانا رجعتهوله ع الهوا

الأهلي نيوز : وأرد القيعي ” صلاح محسن يوم ما مضى للاهلي راحله 7 شنط ب 7 مليون
جنيه كاش من الزمالك في نادي انبي وهو رايح يمضي .. وموقف اللاعب هو خلاه يجي
الاهلي مش الزمالك ،السباب لمحمود الخطيب لمجرد انه محبوب وبيتكرم وبيلقى كل التقدير مش مفهوم ..
مش ذنبه انه ناجح في ده .. هل الدولة راضية عن نشر ثقافة التجاوز ؟!
الأهلي نيوز : القيعي : تصرف أتحاد الكرة في أزمة كهربا مريب

الأهلي نيوز : وعن كهربا قال القيعي “ازاي اتحاد الكرة استلم رسوم من الزمالك لعقد
كهربا اللي مش موثق اصلا ؟ .. خدت الفلوس بناء على عقد مش موجود عندك ومش
موثق أصلا ! .. خدت الفلوس بناء على ايه لو خدتها يومها فعلا،- بعد ما اتفقنا مع طاهر
والمقاولون وكيله فكر انه يطلعه اوروبا فمكملناش .. هو اختار سكة تانية اتمنى ينجح فيها ،
– الاختيار كان بين علي جبر ومحمود متولي .. واسامة جلال للمستقبل لو مجبناش
الاتنين .. فضلنا متولي وجبناه ، الاجواء لسة فيها حرج وفي حساسية من التعامل مع
المصري .. اسلام عيسى صفقة كويسة لكن الاجواء مش مهيئة للتعامل ده .. لو اسلام
عيسى كان طلع لنادي تاني كان ممكن نجيبه