الأهلي اليوم : أزمة كبيرة في صفوف الأهلي .. وتدخل هام من لاسارتي

الأهلي اليوم : يحتاج الفريق الأول لكرة القدم في النادي الأهلي ، لتنظيم الصفوف داخل الملعب خاصة أنه لقاء أنبي السابق أظهر تباعد بين خطوط الفريق ، الأهلي بمجرد ما تتقطع منه الكرة مساحات ملعبه كلها مكشوفة لأن الخطوط بعيدة عن بعض لأن لاسارتي مصمم يلعب في مساحة كبيرة من الملعب
الأهلي اليوم : أزمة في تنظيم فريق الأهلي في الملعب
الأهلي اليوم : بسبب ده 75 دقيقة أحمد رفعت بيستلم الكرة قدام أحمد فتحي من غير مساندة لا من لاعيبة الارتكاز ولا من الوينج اللي مع فتحي وحتى المساحة اللي بين فتحي وقلب الدفاع اللي في جبهته اللي هو ياسر ابراهيم كبييرة جدًا تحس ان فريق الأهلي عبارة عن أستك ولاسارتي عمال يشد فيه ويوسع المساحات بين الخطوط وبين اللاعيبة ، الكل يلوم فتحي مع إن مش فتحي المشكلة لكن المشكلة انه دايمًا قدام موقف 1 على 1 أو 2 على 1 من غير أي مساندة.
الأهلي اليوم : المشكلة ان لما الكرة كانت بتتعكس من رفعت في الجبهة التانية كنت برده بتلاقي معلول لوحده على 2 احمد شكري وبسيوني و هو بيضطر يراقب واحد ويسيب التاني عشان كدة شكري وبسيوني لعبوا كورتين من قلب ال6 ياردة من الجبهة الشمال للأهلي بدون تواجد للاعيبة الارتكاز أو للوينج اللي قدام معلول.
الأهلي اليوم : الارتكازين لا بيساندوا يمين ولا شمال تبقى الدايرة بقى تمام و مفيش مساحات ورا نص الملعب وقدام الدفاع ؟ لأ برده دي لاعيبة انبي كانت بتتفسح في المساحة دي عشان هنرجع لأول حاجة كتبناها وهي تباعد الخطوط بالإضافة لإختفاء الادوار الدفاعية لصالح ورمضان والشحات والحقيقة هي مش لاعيبة انبي بس دي لاعيبة كل الفرق اللي واجهت أهلي لاسارتي.
الأهلي اليوم : تبعاد بين خطوط الأهلي
الأهلي اليوم : طيب اللعب في مساحة كبيرة ده وتباعد الخطوط بيضر الأهلي دفاعيًا بس ؟ لأ طبعًا وبيضره هجوميًا كمان لأن المساحة بين كل لاعيب والتاني اثناء تحضير الهجمة كبيرة بالتالي الباص بيبقى أصعب بكتير فبتضطر اللاعيبة متغامرش وتلعب الكورة طويلة وخلاص ، يعني بإختصار الأهلي مع لاسارتي عشان يبني الهجمة على الأرض محتاج 11 تشافي وانييستا عشان يعملوا الباص صح ومحتاج 11 ماكليلي وكانتي عشان يستخلص الكورة بسرعة.. انا متأكد ان الناس برده هتسيب كل الكلام ده وهتقولي الاهلي اصل الأهلي مضيع 20 فرصة و25 هجمة محققة يبقى لاسارتي عامل شغل، انت حر انا مبفرضش عليك رأيي بس الوضع واضح زي الشمس.