أخبار الأهلي : السر الحقيقي وراء تألق السولية أمام المقاصة .. وفرصة تاريخيه للاعب

أخبار الأهلي : حاز عمرو السولية ، لاعب وسط النادي الأهلي ، علي إعجاب جماهير النادي الأهلي ، عقب الأداء المميز الذي قدمه اللاعب بالأمس ، في لقاء فريقه ، أمام مصر المقاصة ، في المباراة المؤجلة من الأسبوع الحاد عشر لبطولة الدوري ، حيث ظهر اللاعب بأفضل مستوي له مع الفريق هذا الموسم ، وصنع الهدف الثاني لجونيور أجاي بتمريره ساحره من خلف دفاعات المقاصة ، ووتسأل الجماهير عن سر التباين في مستوي عمرو السولية في الفترة الأخيرة.
أخبار الأهلي : عمرو السولية يتألق في لقاء المقاصة بسبب فتحي
أخبار الأهلي : التفسير الأدق للمستويات المتباينة من عمرو السولية مع الأهلي ، انه لاعب رتم أداءه ومردوده مرتبط شبه كليا بمن حوله ، والمدافع اللي في ضهره وصانع الألعاب اللي بيستلم منه ، وأجنحة الملعب اللي بيشغلها والأهم منهم كلهم اللاعب رقم 6 اللي بيلعب بجواره، السولية مستواه بيعلى جدا لو لعب جنبه لاعب قوي يغطي مساحة كبيرة من الملعب بإنتشار عرضي جيد ويضغط في كل مربعات الملعب وwork rate عالي وده كان متوافر في لقاء المقاصة بوجود الرائع حمدي فتحي
أخبار الأهلي : بجانب فهم المدرب لقدراته وتخفيف الأعباء الدفاعية عنه ، يتألق السولية وتظهر نسخته الحقيقية اللي أغلبها متعلق بالشق الأمامي وعبقريته في التحرك الخفي من الخلف للأمام والزيادات المؤثرة وبيشارك فعليا في صناعة اللعب بلمسات أنيقة وvision ممتاز، بيبقى أخطر لاعب في تركيبت الفريق الهجومية لانه بيشتغل في مساحة لعب أكبر وبرؤية أوضح.
أخبار الأهلي : التاريخ ينتظر عمرو السولية مع الأهلي بشرط
أخبار الأهلي : أكبر أندية العالم وكتير من المدربين غيروا كل خططتهم وفكرهم لأجل خدمة لاعب واحد ومساعدته، لما بتتذلل كل العقبات بتظهر خامة مبهرة مش مجرد أداء جيد فقط ، المهم الاستمرارية وانه يحافظ على الشكل ده لفترة عشان يثبت ان تباينه راجع لتوظيفه الخاطئ والمهام الضخمة المكلف بيها مش لانه لاعب أوفرريتد ومتوسط ، عمرو السولية أمامه فرصه لأن يكون أفضل لاعب وسط في مصر ، خلال الموسم الحالي ، في وجود حمدي فتحي بجواره