المسطول لشباب الثورة : «انتم بتهرجوا»

بالبلدى

سألت صديقي المسطول عن رأيه في الفتنة الطائفية وعن تطورات الثورة التي يطالب شبابها حاليا بالذهاب بمسيرة إلي اسرائيل حتي نحاربها ونخرجها من فلسطين وتحرير المسجد الأقصي.
فاندهش صاحبي المسطول من كلامي وقال المسطول : بالنسبة لموضوع الفتنة الطائفية بين المسلمين والمسيحيين اللي بيحصل ده سيناريو متكرر زهقنا منه وواصل المسطول كلامه عن شباب الثورة وقال لازم يعرفوا ان الثورة دي كانت سيناريو إلهي تدخلت فيه عدالة السماء لانقاذ الشعب المصري من ظلم الرئيس السابق مبارك.. والكلام عن الثورة محتاج مجلدات ولكن لازم الناس اللي شاركت في الثورة دي يعرفوا ويعلموا أن الله سبحانه وتعالي وإرادة الله هما السبب الرئيسي لنجاح هذه الثورة وبعد ذلك الذين شاركوا في الثورة جعلهم ربنا سببا من اسباب قيام الثورة ونجاحها ولعل الهتاف الجميل الذي هتف به الشعب المصري بعد اعلان تنحي الرئيس السابق مبارك «الله وحده اسقط النظام» هذا الهتاف يجب أن يكون هتاف الشعب المصري الذي شارك في الثورة فقلت لصاحبي المسطول طيب موضوع السفر في مسيرة للحرب مع اسرائيل علشان تحرير المسجد الاقصي.
قال المسطول : حرب مين ومسيرة إيه اللي عايزين يعملوها اصحابك بتوع الثورة دول اللي بيهرجوا وعايزين يروحوا اسرائيل يحاربوها أو يضربوها همه فاكرين ان ضرب اسرائيل زي ضرب صواريخ الحشيش اللي بنضربها ده اسرائيل عندها سلاح نووي بجد مش هزار وواصل المسطول كلامه قائلا لي : هاقول لك علي حاجة مهمة يعملوها الشباب بتوع الثورة ياريت يعملوا المشروع القومي لاعادة «الغرز».
وقال المسطول قول الرسالة دي لشباب