رحم الله نجوم زمان وحشيش زمان

بالبلدى

أرجع تاني لموضوعنا وكلامنا عن الحشيش والحشاشين وصديقي المسطول والمسطولين في مصر يدخنون ويضربون صواريخ الحشيش في مصر.. وقد سألت صديقي المسطول عن الصراع بين جمال مبارك ودكتور البرادعي في انتخابات رئاسة الجمهورية اللي هتتعمل السنة اللي جاية إن شاء الله لوعشنا وكان في العمر بقية.
وقاللي صاحبي المسطول.. إنت فاكر الانتخابات اللي جاية ايه سهلة لا دية انتخابات ليها سيناريوهات فقلت لصاحبي المسطول وإيه بقي سيناريوهات انتخابات رئاسة الجمهورية اللي جاية، فقاللي المسطول ده موضوع شرحه حيطول وخليه الأسبوع اللي جاي نتكلم فيه براحتنا لأني الأسبوع ده عايز أقول للإخوة الحشاشين نبذة مختصرة عن أشهر الشخصيات المصرية اللي شربوا حشيش من كبار المسئولي إلي الفنانين والمبدعين من الحشاشين المصريين.
وقال المسطول خد عندك العبقري الراحل نجيب محفوظ كان من كبارالحشاشين واعترف بذلك في مقال كتبه ونشرته جريدة عين من خمس سنوات وعبقري هذا الجيل عمنا أحمد فؤاد ونجم وفجأة بص لي صاحبي المسطول وقاللي انت شفت مجلة الإذاعة والتلفزيون بتاعة الأسبوع اللي فات فقلت له أيوة شفتها وقرأتها فقالي المسطول شفت موضوع النجم الكبير القدير أحمد رمزي دنجوان السينما المصرية في الخمسينات والستينيات قلت أيوه شفته وقريته.
فقاللي المسطول شفت إزاي النجم العظيم أحمد رمزي بيعترف أنه نجم نجوم السينما المصرية رشدي اباظة انهم كانوا بيضربوا ثلاث علب سجائر ملفوفة بالحشيش كل يوم وواصل المسطول كلامه قائلا خلاص الزمن الجميل ونجومه الجميلة راحت زي أي حاجة حلوة بتروح ورحم الله أيام زمان ونجوم زمان وحشيش زمان بدل الحشيش المضروب بجاز وسولار دلوقتي.