شعبولا يسخر من الإسراف في فرحة كرة القدم ويغني: خلي ابنك يطلع لعيب لايحس بأزمة سكر ولا أزمة أنابيب

· .. ويقدم نصيحة للبنات: بنتك علمها الرقص عشان يبقلها قيمة والسبكي يكتشفها وتبقي نجمة سيما تقلد غادة عبدالرازق وتحقق أكبر حلم وتكلم خالد يوسف هياخدها في أقرب فيلم
«شعبولا المواكب» هذا هو اللقب الأمثل لشعبان عبدالرحيم.. لايترك مناسبةأو حدثاً إلا ويتفاعل معه بالأغاني.. هو مطرب الحدث.. يدخل بقدميه إلي حقول ألغام السياسة.. يتحدي إسرائيل ويبتهج برحيل بوش.. يقاوم أنفلونزا الخنازير ويصدم المبالغين بالاحتفاء الكروي كي يفيقوا من نشوة الكرة لمواجهة المشاكل.
آخر «مواكبات» شعبولا كانت اغنية ألفها شاعره المفضل إسلام خليل وتنفرد «صوت الأمة» بنشرها يعلق فيها علي فوز المنتخب.. وكيف يتناسي المجتمع وسط سكرة الفوز أن في مصر آخرين يستحقون الاشادة والشد علي أيديهم.. مفكرين وعلماء يسخر شعبان عبر كلمات خليل من اهمال المجتمع للعلماء والمثقفين والتفافه فقط حول لاعبي الكرة والفنانين.. ويدعو الجميع متهكما أن يتركوا الكتب ويمزقوا الدفاتر وتتفرغ الاسر لتحويل بناتها إلي ممثلات وأولادها إلي لاعبي كرة.
تقول كلمات «أغنية شعبان»:
خلاص هنلعب كورة من بكرة كلنا ماعدش غير الكورة دلوقتي ليمنا هنقطع الكراسة وهنكسر العلم خلاص هنلعب كورة وهنرقص بالعلم شبابنا مش حيسد و لايحسوا بالأمان غير لما يقلدوا جدو وأحمد حسن وزيدان خلاص الكورة أولي م الورقة والقلم بتعلي شأن الدولة وتشرف العلم أحمد زويل غيره وكمان فاروق الباز والحضري كتر خيره عمل أكبر انجاز خلاص هنلعب كورة عشان هيه الأمل وهنتمرن كويس ونجدف العمل مدرسةالكورة هتلعم ابنك وهتخليه يكبر ويبقي معلم، والناس يحتفلوا بيه بقينا في أحسن صورة ومش حاسين بنقص والبركة فيكي ياكورة والبركة فيك يارقص، بالكورة بلدنا هتعلي وهتبقي في أحسن حالة ولا حاجة فيها هتغلي ولاهنشوف أي زبالة قدم لابنك في ناد واهتم ولا تسكتش وهاتله شراب بأستك وهاتله كورة وكوتش، هيذاكر ليه ويفكر خليه يطلع لعيب لايحس بأزمة سكر ولا أزمة في الانابيب، وبنتك علمها ترقص عشان يبقلها قيمة والسبكي يكتشفها وتبقي نجمة سيما تقلد غادة عبدالرازق وتحقق أكبر حلم وتكلم خالد يوسف هياخدها في أقرب فيلم الناس طلعت في الزحمة وقعدوا يقولوا هيه نسيوا إن كيلو اللحمة بقي ب50 جنيه.