سعاد الديب ل «ممنوع السكوت»: غلق باب الاستيراد وراء ارتفاع الأسعار

أكدت الدكتورة سعاد الديب، رئيس الاتحاد النوعى لجمعيات حماية المستهلك، على إن ارتفاع أسعار مستلزمات المدارس ليس موضوع جديد أو مستغرب، لافتة إلى أن غلق باب الاستيراد والتجار وراء الارتفاع الجنوى لأسعار السلع والمنتجات.
وقالت «الديب»، خلال حوارها لبرنامج «ممنوع السكوت»، المذاع عبر فضائية LTC)) ويقدمه الإعلامية نجلاء الناجي والإعلامى عاطف أبو هميلة، إن «ارتفاع أسعار السع ومستلزمات المدارس مش حاجة فريدة من نوعها أوحاجة جايلنا على غفلة، ياعنى طول عمرنا فى المناسبات الأسعار بتترفع قبلها، لو مناسبة أكل بيزيد الأكل لو مناسبة لحمة بتزيد اللحمة، وهكذا، فحنا على طول التجار عندهم قرون استشعار عن بعد فعلى طلو بيزودا قبل كل مناسبة السعر بدون مشكلة أو رقيب».
وأضافت رئيس الاتحاد النوعى لجمعيات حماية المستهلك، أن «الحكومة بتبرأ ذمتها إزاى إنها بتعمل مثلا معرض لدخول المدارس تعرض فيه ملابس وشنط واللى بيعمل ده القطاع الخاص فى كتير من الأحيان، وبالمناسبة الأسعار فى المعارض دى مش رخيصة أوى بس فيها خشى شوية أو جودتها ضعيفة لكنها فى النهاية مساهمة من الدولة».
وأرجعت «الديب» أزمة ارتفاع الأسعار إلى غلق باب الإستيراد قائلة: «إحنا دولة مش منتجة وبنعتمد على الاستيراد، ياعنى مثلا الكراسات والأقلام كلها صينى ومكنتش بتتنصع عندنا فى مصر وعلى مدي سنين طويلة محاولناش نسد احتياجتنا رغم إننا بنزيد كل يوم 2 مليون سنة، الأزمة جت طبيبعة علشان قفلتى موضوع الاستيراد نتيجة أزمة الدولار ومعنديكش ما يعادل الطلب على الموضوع ده».