غلوشيات رمضانية #16 رمضان.. يكتبها عبدالله غلوش: نفسي اسمع تعليق هدي عبدالناصر بعد الحكم على مصرية تيران وصنافير أكتر من أي حد تاني.. وسيد رجب أحدث شاذ بالدراما المصرية في أفراح القبة

#16رمضان
- افراح القبة .. في حلقة واحدة ، (3) يا وسخة.. (2) يا موميس .. (2) يابن الكلب .. (4) يا روح امك .. (1) الجمهور بيجي المسرح عشان يشوف فخادي.
-افراح القبة .. سيد رجب .. احدث شاذ في الدراما المصرية.
-افراح القبة .. تحية خاصة للماكيير اللي صمم مشهد الجلد المحروق لسوسن بدر.
-سقوط حر .. احمد وفيق الموهبة لوحدها مش كفاية.
-الميزان .. اللي عمله محمد نشأت مع احمد فهمي في المسلسل ، فكرني باللي عملته ايناس الدغيدي مع هالة سرحان في روتانا.
-ثلاثاء القضاء الإداري .. نفسي اسمع تعليق هدي عبدالناصر علي الحكم أكتر من أي حد تاني.
-ثلاثاء القضاء الإداري .. ياريت يا جماعة كل اللي قال يحيا العدل وهلل لحكم النهارده سواء المتعلق في قضية تيران وصنافير ، او الغاء التحفظ علي فلوس ابوتريكة ، مايجيش بعد أول حكم مش علي مزاجه ويقولك شامخ وفاسد ومُسيس.
-ثلاثاء القضاء الإداري .. مكالمة ابوتريكة بعد دقايق من الحكم في برنامج "علي معادنا " في محطة نغم fm .. الانفراد الأهم في مختلف البرامج الرياضية من أول رمضان.
-احمد كمال قرر يتجوز الممرضة بتاعته في "الخروج" ، وزكي فطين عبدالوهاب قرر يطلق الممرضة بتاعته في "فوق مستوي الشبهات".
-نهي عابدين رفضت الجواز من محمد شاهين في "ونوس" ، وزينة رفضت الجواز من محمود عبدالمغني في "ازمة نسب".
-فوق مستوي الشبهات .. محمد رمضان مات واخوه اتسجن وطلع من السجن وقتل اللي قتل اخوه ، ولسه شيرين رضا بيتحقق معاها.
-نجوم النصف الأول من رمضان :
افضل over act "رجالي" :
1-اشرف زكي "الميزان".
2-محمود عبدالمغني "ازمة نسب".
3-أشرف زكي "القيصر".
4-زكي فطين عبدالوهاب "فوق مستوي الشبهات".
5-نبيل عيسي"7 اراوح".
افضل over act "نسائي" :
1-فريال يوسف "سقوط حر".
2-أميرة العايدي "الميزان"
3- درة "ليالي الحلمية ،الخروج،اعلان فودافون".
4-دنيا عبدالعزيز "الاسطورة".
5-لقاء الخميسي "راس الغول".
افضل محامية:
1-غادة عادل "الميزان".
2-ليلي علوي "هي ودافنشي".
3-درة "الخروج".
افضل ظابط:
1- خالد النبوي "7 أرواح"
2-خالد زكي " القيصر".
3-جلال الزكي "الأسطورة".
افضل راقصة :
1-رانيا يوسف "افراح القبة".
2-روجينا "الطبال".
3-صافينار " ابوالبنات".
افضل زوجة خاينة :
1-نجلاء بدر "فوق مستوي الشبهات".
2-المغربية جيهان خليل "الخانكة".
3-مي عزالدين "وعد".
افضل مريضة نفسيا :
1- يسرا "فوق مستوي الشبهات".
2- نيلي كريم "سقوط حر".
3- نهي العمروسي "الخانكة".
افضل بيومي فؤاد:
1- بنات سوبر مان.
2- نيللي وشيريهان.
3-هي ودافنشي.
افضل مسرح مصر:
1-مصطفي خاطر " نيللي وشيريهان".
2-كريم عفيفي "بنات سوبر مان".
3-محمد أنور " ازمة نسب".
افضل مخرج ابن فنان:
1-شادي يحيي الفخراني "ونوس".
2-احمد محمود الجندي "نيللي وشيريهان".
3-رامي امام "مأمون وشركاه".
افضل طبق أومليت :
1-حسن الرداد واحمد فتحي "عبور لاند".
2-سليمان عيد "وعد"
3-حمدي الميرغني "ليالي الحلمية".
افضل عمل منحوت :
1-اعلان مستشفي القلب مجدي يعقوب.
2-جراند أوتيل.
3-الكيف.
افضل مط وتطويل:
1-سقوط حر.
2-كلمة سر.
3-يونس ولد فضة.
افضل شنب:
1- عمرو يوسف "جراند اوتيل"
2-يحيي الفخراني "ونوس" ، باسل خياط "الميزان".
3-جمال سليمان "افراح القبة".
الافضل متكررهاش مرة تانية :
1-محمد منير "المغني".
2-لطيفة "كلمة سر".
3-الكوميديانة ناهد السباعي "هبة رجل الغراب".
-الغياب شكل من اشكال الحضور .. يغيب البعض وهم حاضرون في أذهاننا أكثر من وقت حضورهم في حياتنا.. سعاد العبدالله "ساق البامبو".
-الناس لو رضيت عليك يرفوع سابع سما ، ولا زعلت منك ينزلوك سابع أرض .. محمد رمضان "الأسطورة".
-كلنا بنبدأ بمرحلة العشم وبعدها الزهق وبعدين بندخل في مرحلة كله محصل بعضه.. اياد نصار "افراح القبة".
-ربنا يرحمك يا أمي ويرحم أمهاتنا جميعا ويخلي أمهاتكم يارب.