بالفيديو.. مرتضي منصور ل«سيف اليزل »:" فزت بالانتخابات انا وابني بدراعنا "

فتح المستشار مرتضي منصور رئيس نادي الزمالك، النار ضد النائب البرلماني اللواء سامح سيف اليزل، علي الهواء، بسبب تشكيله قائمة جديدة داخل البرلمان.
ووجه حديثه لليزل، خلال مداخلة هاتفية ببرنامج «ستاد معروف»، المذاع علي فضائية «العاصمة»، قائلًا له: "انت عايزنا نقلب علي الراجل، في إشارة منه الي الرئيس عبد الفتاح السيسي.
وأكد: "أنا لو قلبت مباخفش من حد، ولما أنتخبت السيسي، ما أخدتش منه حاجة، لا منصب ولا حاجة تانية، ونزلت الإنتخابات البرلمانية أنا وأبني أحمد بدراعنا في الإنتخابات، وبرغم حملة التشهير ضدنا كسبنا".
وتابع: "إبني كسب منافسه في الدائرة عمرو الشوبكي، اللي الكاتب الصحفي عبد الله السناوي قال إن السيسي، زعلان عليه عشان صاحبه، طب ما يزعل".
ووجه حديثه ل «السيسي» قائلًا له: "إنت زعلان علي الشوبكى، اللي سافر أمريكا وقال انك عملت إنقلاب ضد المعزول مرسي، مؤكًد له: "إذا كان ده صاحبك ياسيسي الحساب قادم وما حدش بيجاملني وأداني صوته أنا نزلت بدراعي ووسط أهلي في الانتخابات".