هاشتاج «مرتضى بيشتم السيسي» يتصدر «تويتر»

تصدر الهاشتاج الحامل لاسم «#مرتضى_بيشتم_السيسي»، اليوم الإثنين، قائمة التريند الخاصة بموقع التدوينات القصيرة «تويتر»، على خلفية هجوم المستشار مرتضى منصور، رئيس نادي الزمالك، على الرئيس عبد الفتاح السيسي، خلال مداخلة هاتفية أجراها مع الناقد الرياضي محمود معروف، مقدم برنامج «استاد معروف»، عبر فضائية «العاصمة».
وهاجم رئيس نادي الزمالك، اللواء سامح سيف اليزل، المنسق العام لقائمة «في حب مصر»، وعضو مجلس النواب، للتصريحات المنسوبة له عن أن «السيسي» حزين على خسارة الدكتور عمرو الشوبكي لسباق البرلمان 2015، أمام أحمد مرتضى، بدائرة الدقي والعجوزة.
وقال منصور: «سيف اليزل عايزنا نقلب على السيسي، وأنا لو قلبت فأنا مش بخاف من حد، ومحدش مجاملني في حاجة، ويوم ما نزلت وقولت السيسي مكنش واعدني بحاجة، أنا نجحت في البرلمان انا وابني بدراعي، ولو إنت زعلان ياسيسي على خسارة الشوبكي في البرلمان.. ازعل، هو ده الشباب يا سيسي اللي إنت عايزه؟ أحمد عنده 30 سنة، زعلان عشان الشوبكي اللي سافر أمريكا وقال إنك عملت انقلاب ضد مرسي؟ وخليت عبد السناوي يقول إن الشوبكي صاحبك وإنت زعلان، أنا كنت فاكر إنك هتكون فرحان إن شاب في سن أحمد كسب».
وأضاف: «هو في إيه، هو ده صاحبك يا سيسي، الحساب قادم، أنا ناجح بأصوات الناس ومحدش ليه حاجة عندي، أنا ساكت وحاطت الجزمة في بقي لغاية دلوقتي، ولو النظام وقع هيبقي السبب سامح سيف الليزل، لم الراجل ده وخليه يسكت البلد مش مستحملة حاجة».