كأس الأخلاق فى مهرجان مصر المحروسة الرياضى

«كنت مبسوطة جدا عشان كنت بلعب كرة طائرة، فريقنا كان كسبان فى الأول، لكن خسرنا فى الآخر، لكن لجنة التحكيم أعطتنا كأس الأخلاق عشان لعبنا كويس والمنافسة كانت شريفة» قالتها إنجى محمد، بالصف الثانى الإعدادى.
إنجى كانت من بين 500 طفل وطفلة شاركوا فى اليوم الرياضى الذى نظمته جمعية مصر المحروسة بلدى، للطلاب الأيتام الذين ترعاهم الجمعية، بمناسبة عطلة نصف العام الدراسى، تحت شعار «أنتمى لوطنى».
أما يوسف محمد بالصف الخامس الابتدائى فكانت سعادته لا توصف عندما شاركهم اللعب حازم إمام كابتن منتخب مصر والنادى الأهلى، «أنا كمان أهلاوى ونفسى اشوف كابتن عمرو جمال وياريت الجمعية تعمل لنا المهرجان ده مرتين فى السنة»، أما محمود عبدالناصر 14 سنة ثانية اعدادى فقال «احنا كسبنا ماتشين فى الدورى وخسرنا النهائى، بس مبسوط إنى لعبت مع كابتن منتخب مصر ونادى الزمالك شادى محمد لأنه لعيب محترف، ونفسى اشوف كابتن محمد أبوتريكة فى المهرجان السنة الجاية، عشان أتعلم منه، لأنى عايز أكون لاعب كرة قدم زيهم».
المهرجان الرياضى السنوى الذى أقيم بنادى الإنتاج الحربى بحلوان، وتحت رعاية وزيره اللواء إبراهيم يونس، من بين أهدافه تشجيع الطلاب الأيتام على جعل الرياضة جزءا من حياتهم