حركة «قطع إيدك» تنظم وقفة في 5 محافظات ضد التحرش الجنسي

نظمت حركة «لا للتحرش -أنا مش فرجة -قطع إيدك احترمها تحترمك»، وقفة أمام مبني محافظة الدقهلية بالتزامن مع أربعة محافظات أخرى (القاهرة– الجيزة– المنوفية– الإسكندرية).


وأكد منظمو الوقفة؛ أن "الحملة تستهدف التعريف بأضرار التحرش النفسي على الفتيات؛ وكيف تنظر للشاب الذي يقوم بهذا الفعل المشين وإننا نحاول التوضيح للشباب أن هذا الأمر لا يفرح الفتاة أبدًا؛ بل بالعكس فهي تشعر لحظتها بالمهانة وتصبح ناقمة وغير راضية على المجتمع".


وقاموا بتوزيع بيان لمعنى التحرش والتحذير من أضراره النفسية والسيئة على المجتمع؛ حاملين لافتات (أنا زيي زيك- كفاكم فرجة– التحرش اغتصاب- اللي يقبل بالتحرش ميقلش دناوة عن المتحرش- مش ذنبك إنه مريض- احذر أن تقترب مساحتي حرام– أنا بني آدم زيي زيك مش فترينة عرض- تحكم في نفسك مش في لبسي- التربية مش لغات علموه احترام الذات).


وأكدت المشاركات عن استمرار الحملات في مختلف المحافظات وأنهم سيقومون بعمل مجموعة من سلاسل التوعية في أماكن مختلفة ضد هذا الموضوع؛ مستخدمين الشباب والفتيات المتطوعين ضمن هذه الحملة.


جدير بالذكر؛ أن حركة «قطع إيدك» كانت قد دعت على صفحتها الرسمية بموقع التواصل الاجتماعي (فيسبوك) عن الوقفة في خمسة محافظات في توقيت واحد؛ وأن "الحملة ضد الانتهاكات التي تتعرض لها الأنثى في مجتمعنا بمختلف الأشكال من أول النظرة والإرهاب الفكري لحد التحرش الجنسي والسحل والتعرية، وأن أي بنت مصرية دلوقتي متعرضتش للتحرش في الشارع أو في أي مكان؛ مين فينا مسمعتش كلمة وقحة من ولد أوقح؟، مين فينا مزهقتش من تجاهل الرجالة في الشارع للي بيحصل ده غير إن فيه بنات كتير بتخاف تستنجد بالناس عشان خايفة يغلطوها هي؛ وكام بنت حاولت تزعق للي عمل كده والناس يسكتوها ويقولوا لها وطي صوتك ويبقوا عاوزين يمشوها، ومين فينا بقى مامتها في البيت محذرتهاش وقالت لها أوعي تردي أو تتكلمي أحسن يكون معاه مية نار أو مطواة يعورك بيها" -وفقًا لما ورد على صفحة الحملة.