تحقيقات هتك عرض طفلة في مدرسة بالوراق: المتهم ولى أمر تلميذة ويتعاطى المخدرات

كشفت تحقيقات النيابة فى واقعة هتك عرض طفلة بإحدى مدارس منطقة الوراق في شهر أبريل الماضى، أن المتهم ولي أمر تلميذة بالمدرسة ويبلغ من العمر 33 عاماً ويتعاطى المخدرات.
وأسندت النيابة للمتهم في التحقيقات التى حصلت "الشروق" على نسخة منها، أنه هتك عرض طفلة تبلغ من العمر 11 عاما، بأن استغل حداثة سنها وتواجدها بمحل الدراسة واصطحبها عنوة إلى مكان خالى من المارة، وتحسس مناطق عفتها، أعقبها حسر عن نفسه ملابسه وطلب منها تحسس عضوه الذكرى، وحين حاولت الإفلات منه باغتها بأن كال لها ضربات عدة.
- أقوال الطفلة المجني عليها
وقالت الطفلة المجنى عليها فى التحقيقات: "أنا رحت المدرسة عشان أوصل أختى الصغيرة وفعلا وصلتها عند الفصل بتاعها فى الدور الأول، وأنا نازلة على السلم الراجل وقفنى وقالى بنفع تجيبى كيس شيبسى لبنتى وإدانى خمسة جنيه، وفعلا نزلت جرى اشتريت كيس الشيبسى لبنته، ولما طلعت قالى روحى أدى الكيس الشيبسى لبنتى فى نفس الفصل اللى فيه أختى".
وأضافت: "بعد ما إديت كيس الشبسي لبنته، وأنا نازلة لقيته وقفنى بالعافية ومسكنى من جسمى وحط إيده على بوقى وجرنى لغاية الدور الأخير بالعافية".
وتابعت: "كنت خايفة منه أوى لأن أول مرة يحصل معايا كده، ولما طلعنا الدور الأخير طلع فاضى خالص مفيهوش حد ولقيته قالى في مُدرسة حلوة أوى وعندها حاجات كبيرة".
وتضمنت شهادة الطفلة أن المتهم تحسس بيديه الاثنتين مناطق عفتها في منطقة الصدر، ثم حسر عن نفسه ملابسه وطلب منها تحسس عضوه الذكرى.
وتابعت: "لما حصل كده طلعت أجرى لقيته مسكنى وخبطنى فى الحيطة بس الحمد لله قدرت أجرى على تحت ولقيته بيجرى ورايا وقولت للمدرسين اللى فى المدرسة على اللى حصل وهما كلموا ماما فى التليفون حكوا لها على اللى حصل".
وذكرت الطفلة أنها لبت طلب الرجل بشراء كيس الشبسي لابنته بحسن نيتها واعتقادها بأنه رجل كبير فى سن والدها.
- المتهم ينفي في التحقيقات
في المقابل نفى المتهم في تحقيقات النيابة قيامه بما أدلت به المجنى عليها ووالدتها، قائلاً : "أنا كنت بوصل بنتى الصغيرة للمدرسة، وبعد ما دخلت بنتى الفصل فى الدور الأول كان فيه بنت طالعة قدامى على السلم وبقولها وسعي عشان أعدي ردت عليا وقالتلى ما تطلع المكان واسع".
وأضاف: "قولتلها اتكلمى بأسلوب كويس ورحت ذغدتها فى كتفها وسبتها وطلعت الدور الأخير علشان أنشط رجلى عشان أنا بلعب رياضة، ولما طلعت لقيت البت طلعت ورايا وبصت عليا ونزلت تجرى بعد ما قلتلها ليه طالعة ورايا".
وتابع: أنا نزلت بعدها ولما روحت لقيت ثلاثة أمناء شرطة جم البيت وقالولى عاوزينك فى القسم وروحت على القسم لقيتهم عملولى محضر وجابونى على هنا النهاردة ".
وعند سؤال المتهم عن تعاطيه أي من أنوع المخدرات، أجاب أنه يتعاطى الحشيش منذ زمن، مضيفا أنه تعاطى قبل يومين من تحقيقات النيابة العامة.
- أقوال والدة الطفلة
قالت والدة الطفلة: "أنا كنت فى شغلى ولقيت بنتى اتصلت عليا وقالتلى وهى بتوصل أختها للمدرسة فى حد من أهالى التلاميذ اللى فى المدرسة حاول يعتدي عليها جنسياً فى المدرسة فرحت على هناك".
وأضافت: "عرفت من بنتى أن المتهم شدها بالعافية على الدور اللى فوق وحاول يغتصبها وقالها هديكى فلوس، ولما بنتى جت تجري منه خبط دماغها فى الحيطة وهي جرت على تحت وحكت للمدرسين على اللى حصل ورحت أخدت بنتى وعملت محضر والحكومة مسكته وده اللى حصل".
- إحالة المتهم لمحكمة الجنايات

وقررت نيابة شمال الجيزة الكلية إحالة المتهم "ف" البالغ من العمر 33 عاما، مقيم بمنطقة الوراق، الى محكمة الجنايات لاتهامه بهتك عرض الطفلة، وارتكابه الجرائم المنصوص عليها في المادتين 268/201 قانون العقوبات والمادة 116 من قانون الطفل.