الرئيس السيسي: وإحنا بنحارب الإرهاب موقفتش الدولة 15 سنة زي ما حصل بعد 1967

قال الرئيس عبد الفتاح السيسي، إن آثار ما شهدته مصر في 2011 و2013 لا تزال قائمة.
وأضاف في كلمته خلال فعاليات الندوة التثقيفية للقوات المسلحة ال 36 "إرادة وطن"، بمناسبة ذكرى انتصارات أكتوبر، اليوم الثلاثاء: "الجيش دخل سيناء في فبراير ومارس من 2011 في أعقاب اللي حصل.. وتواجد في المنطقة دي مع الشرطة في اقتتال مع قوى الشر والتطرف والفكر المتخلف من وقتها لغاية النهاردا".
وتابع: "وإحنا بنحارب الإرهاب موقفتش الدولة 15 سنة زي ما حصل في الفترة من 1967 إلى 1982.. خليت الدولة تشتغل بأقصى طاقة ممكنة.. هل كان ممكن الدولة دي تستنى في ال 8 سنين دول.. الفترة دي شهدت زيادة سكانية ب25 مليون نسمة.. الناس دي لها مطالب في كل قطاع".
وأكمل: "كان هيبقى أمر مبرر وقتها لو كنت قلت إحنا في حرب وكل جهود الدولة وقدراتها هيتم تجنيدها لصالح الحرب دي".
وتحتفل الدولة المصرية بالذكرى ال 49 لحرب أكتوبر، وهو يوم العزة والكرامة ويوم النصر ويوم البطولات والأمجاد التي صنعها رجال القوات المسلحة بدمائهم الذكية في ملحمة عسكرية أبهرت العالم.
وتعقد الفعاليات بحضور الوزراء والمسؤولين وعدد من قيادات وكبار رجال الدولة.