السيسي: كل قرش بعد 1967 كان اقتصاد حرب لصالح الكرامة.. كنا ممكن نعمل كده الفترة دي

قال الرئيس عبد الفتاح السيسي، إن العمليات الإرهابية (التي ارتقى على إثرها) الشهداء من الضباط والجنود كانت تستهدف كسر المصريين.
وأضاف في كلمته خلال فعاليات الندوة التثقيفية للقوات المسلحة ال 36 "إرادة وطن"، بمناسبة ذكرى انتصارات أكتوبر، اليوم الثلاثاء: "دفعنا وبندفن ثمن كبير أوي.. مش أنا اللي دفعته ولا الحكومة لكن الدولة كلها.. ومش مناسب حد يقولي أنا ذنبي إيه .. دي بلدنا ولازم نخلي بالنا".
وتابع: "أول مؤتمر عمله الرئيس مبارك الله يرحمه كان مؤتمر اقتصادي في 1982.. بعد ما اطمأن وكان فاضل مشكلة طابا بس لكن الأرض رجعت وتم رفع العلم.. (المؤتمر) كان بعد 15 سنة من 1967".
وأكمل: "كنا ممكن نقول إحنا بنحارب الإرهاب ومش هنعمل حاجة.. ونحشد والإعلام يتكلم في القضية كل يوم.. كل قرش بعد 1967 كان اقتصاد حرب لصالح الكرامة والكبرياء ولصالح النصر اللي بنحتفل به".
واستطرد: "كنا ممكن نعمل كده وكان مبرّر.. لكن اللي بيعمل إرهاب هدفه إن البلد دي تعجز أكتر وتتخلف أكتر وإحنا مش هنمكنه من ده وهنبني بقدر ما ربنا يقدرنا".
وتحتفل الدولة المصرية بالذكرى ال 49 لحرب أكتوبر، وهو يوم العزة والكرامة ويوم النصر ويوم البطولات والأمجاد التي صنعها رجال القوات المسلحة بدمائهم الذكية في ملحمة عسكرية أبهرت العالم.
وتعقد الفعاليات بحضور الوزراء والمسؤولين وعدد من قيادات وكبار رجال الدولة.