تامر فرج: عيوني الخضراء لا تمنعني من لعب كل الأدوار

أبدى الفنان تامر فرج اعتراضه الشديد على حصره في بعض الأدوار بسبب شكله، وعيونه الملونة.
ونشر فرج صورة من أحد أعماله، الذي ظهر فيها بشكله الطبيعي، وبجوارها صورة أخرى لشكله وهو بمكياج بلطجي، عبر حسابه على موقع فيسبوك.
وعلق على الصورة قائلا: "هام جدا إلى السادة القائمين على صناعة السينما والدراما، اللي في الصورة الأولى، هو نفس اللي في الصورة التانية، ممثل اسمه تامر فرج، وممثل يعني يعرف يعمل كل الأدوار، مفيش حاجة اسمها شكله ابن ناس، مفيش ممثل ابن ناس، الممثل ابن الشخصية اللي بيؤديها، مفيش حاجة اسمها ده عينيه خضرا يبقى جان ولا بتاع ستات، في حاجة اسمها عدسات لاصقة، زي ما ممكن تلاحظوا في الصورة الأولى".
وأضاف: "مش لازم نبقى كلنا بعضلات وشبه بعض ونقعد ننشر صورنا في الجيم عشان نشتغل أكشن.. مش لازم أستنى إني أوصل لنجومية أحمد زكي عشان أغير الصور النمطية اللي في دماغكم، كفايه بقى القوالب الجاهزة اللي بتضعونا فيها كفاية استسهال، في حاجة اسمها عين مخرج يعرف يطلع الإمكانيات اللي جوه الممثل، أرجوكم كفايه قولبة، أرجوكم ماتقتلوش إبداعنا وخلونا نخرج الموهبة اللي ربنا أعطاها لينا".