الأهلي: كله بيشتغل لحساب الوداد.. الأمن بيقول الكاف ده مالوش لازمة

أكد خالد مرتجي، عضو مجلس إدارة النادي الأهلي أن كل شيء في المغرب يسير في صالح فريق الوداد البيضاوي، قبل المواجهة التي تجمع الفريقين بنهائي دوري أبطال إفريقيا.
وقال مرتجي خلال مكالمة هاتفية مع ياسر عثمان، سفير مصر بالمغرب:" (أنا في الاستاد هنا وبعد ما الكاف وافق لينا نحط البانرات، الأمن وقفنا وبيقول الكاف ده مالوش لازمة) ".
وأضاف خلال مقطع فيديو عبر صفحة الأهلي الرسمية:" (بيقولولنا احنا هنعمل اللي احنا عاوزينه، وإن الجمهور المغربي هيدخل في الحتة دي، كده هيحصل مشكلة كبيرة) ".
وأكمل مرتجي:" (أوحش حاجة في الدنيا اننا نبقى متفقين على حاجة ويغيروها على هواهم، وبعدين يقولك الكاف ده مالوش لازمة. إحنا الأمن إحنا اللي إحنا عاوزينه) ".
وأتم خالد مرتجي:" (كل الناس بتشتغل لحساب الوداد وده مش مظبوط.. عشان كده لما قولنا في الأول لازم الماتش ده يتلعب في ملعب محايد كان هو ده الكلام المظبوط) ".
وطالب خالد مرتجي من أعضاء اللجنة الإعلامية للنادي الأهلي تصوير الأفراد المتواجدة من الأمن المغربي في المدرجات المخصصة للأحمر، وبدت عليهم علامات السخرية، حيث قال: "صورهم وهما بيضحكوا".
وتواجد خالد مرتجي وحسام غالي، عضوا مجلس إدارة الأهلي وأمير توفيق، مدير لجنة التعاقدات والتسويق بالنادي في مركب محمد الخامس عصر اليوم الإثنين.
وحاول مسئولو الأهلي وضع لافتات ضخمة لتغطي أرجاء المدرجات المخصصة له في المباراة النهائية، إلا أن مسئولين مغاربة تدخلوا لإيقاف تلك العملية على وجه السرعة.
يُذكر أن النادي الأهلي يواجه الوداد المغربي التاسعة مساء اليوم الإثنين، بملعب مركب محمد الخامس في نهائي دوري أبطال إفريقيا.